Jonah 3:4 - Tedim Bible

⁴ Jonah zong khua sung lam manawh-in kipan-a, nikhat sung lam a pai khit ciangin, “Ni sawmli khit ciangin Nineveh khuapi a kisusia ding hi,” ci-in a kiko hi.

Tedim Bible Revision 2017

⁴ Jonah zong khua sung lam manawhin kipan a, ni khat sung lam a pai khit ciangin, “Ni sawm li khit ciangin hih Nineveh khuapi kisusia ding hi,” ci-in a kiko hi.

Jonah 3:4 Iomraidhean Croise

2 KUMPI NIHNATE 20:1

Tua hun lai takin Hezekiah a cina-in si dektak hi. Tua ciangin Amoz’ tapa kamsangpa Isaiah ama kiangah hong pai a, ama kiangah, “Topa in hih bangin ci hi: ‘Na innkuan vai ding hawm in; bang hang hiam cih leh nang na si ding hi; na damkik kei ding hi, ci hi,” a ci hi.

2 KUMPI NIHNATE 20:6

Na nuntakna kum sawm-le-nga sung kong behlap ding hi. Assiria kumpipa’ khutsung panin nangmah leh hih khuapi ka honkhia ding a, keima hang leh ka nasempa David hangin hih khuapi ka hu ding hi, ci-in gen in,” a ci hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Jeremiah 42:10

Hih gamah note na om suak uh leh note kong lam ding a, kong phel kei ding hi. Kong phut ding a, kong botkhia kei ding hi. Bang hang hiam cih leh note’ tungah siatna kong tun’ sak manin ka dah hi.

Jonah 3:10

Pasian in amau’ hihnate mu a, a khialhnate uh panin a kihei uh a muh ciangin kisik kik a, amaute tungah hih dinga a cihsa siatna a tungsak nawn kei hi.

Mattiu 12:41

Thukhen ni ciangin Nineveh khuamite in tu-a khang mite lang khatah ding-in a mawhsak ding uh hi. Bang hang hiam na cih uh leh, Jonah in thu a hilh manin amau in mawhna a kisikkik uh hi. Hih lai takah Jonah sangin a lianzaw mi khat a om hi.

Luka 11:30

Jonah in Nineveh khuapihte tungah lim ahih bangin, Mihing Tapa in hih khang mite tungah lim ahi ding hi.

Luka 11:32

Thu a khen ni ciangin Nineveh khua mite in tu-a khang mite langkhat ah ding-in a mawhsak ding uh hi. Bang hang hiam na cih uh leh, Jonah in thu a hilh manin amau mawhna a kisikkik uh hi. Hih lai takah Jonah sangin a lianzaw mi khat a om hi.”

Thu-hilhkikna 18:22

kamsang khat in Topa min tawh thu genin, tua thu pen hong tung lo ahi a, a man lo ahi zongin hong hih leh, tua thu in Topa’ gen loh thu ahi hi; kamsangpa in ama ut thu a gen hi a, amah na kihtak ding uh kul lo hi.