Jonah 3:2 - Tedim Bible

² “Kithawi in la, a lian mahmah Nineveh khuapi-ah va pai-in kong gen sa thu va tangko in,” a ci hi.

Tedim Bible Revision 2017

² “Kithawi inla, a lian mahmah Nineveh khuapi ah va pai-in kong gen sa thu taangko in,” a ci hi.

Jonah 3:2 Iomraidhean Croise

Esther 9:31

Judah mi Mordekai in a gelhsa bang, a kisehsa bangin hih Purim nite a tan’ nadingun thu kipia hi. Tua mah bangin amaute leh a suan-le-khakte uh adingin an tan’ nading leh thuumna bawl nading ngeinate gelh uh hi.

Paikhiatna 4:28

Topa in amah a sawlna thute khempeuh leh ama' sep dinga a sawl limte khempeuh Moses in Aaron’ tungah gen hi.

Jeremiah 1:17

Tua ahih manin Jeremiah aw, na kawng gak in, Tho in la, kong sawl khempeuh amaute’ kiangah va gen in. Amaute kihta kei in; na kihtak leh amau mai-ah kong lau sak zawlai ding hi.

Jeremiah 1:7

Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte’ kiangah na pai ding a, kong sawl peuhpeuh na gen ding hi.

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Ezekiel 3:17

“Ezekiel aw, Israel minamte’ galvilpa dingin nang kong koih hi. Nangma tungah ka hong gen hilhkholhnate khempeuh amaute tungah na gen sawn ding hi.

Jonah 1:2

“Kithawi in la, a lian mahmah Nineveh khuapi-ah va pai-in va thu hilh in; bang hang hiam cih leh amau’ gitlohna thu ka za khin zo hi,” a ci hi.

Jonah 3:1

Tua ciangin Topa in Jonah tungah a nih veina thu gen a,

Jonah 3:3

Jonah zong kithawi pah-a Topa’ cih bangin Nineveh khua-ah a pai hi. Nineveh khua pen khuapi lian mahmah khat hi a, nithum sung tak kikantan hi.

Mattiu 3:8

Mawhna kisik kikna tawh kilawm gah na gah un.

Johan 5:14

Tua nung ciangin Zeisu in biakna innpi sungah tua pa a muh ciangin, “Nang na ci dam zo hi. Tua gimna sangin a haksa zaw na thuak loh nadingin, a nung ciangin mawhna na hih nawn kei in,” a ci hi.