Jonah 2:4 - Tedim Bible

⁴ Tua ciangin keimah in, ‘Na omna panin kei hong kihawl khia hi; na biakinn siangtho hong koici et kik thei ding ka hi hiam?’ ka ci hi.

Tedim Bible Revision 2017

⁴ Tua ciangin keimah in, ‘Na omna panin kei hong kihawl khia hi. Na biakinn siangtho hong koici etkik thei ding ka hi hiam?’ ka ci hi.

Jonah 2:4 Iomraidhean Croise

1 KUMPI MASATE 8:42

“(bang hang hiam cih leh amaute in a lian nangma minthan’na leh nangma mite’ adingin na sepsak na liante thu za ding uh hi), hih inn lamah amah hong pai-in thu hong nget ciangin,

1 KUMPI MASATE 8:48

amaute manin a puakhia a galte uh leitangah a ngaihsutna khempeuh leh a lungsim khempeuh uh tawh amaute kisikkik in, nangmah in na teelsa khuapi, amau’ pute tungah na piaksa amau’ leitang, leh nangma min dingin ka lam inn lam nga-in nangma tungah thu hong nget uh leh

1 KUMPI MASATE 9:7

amaute ka piaksa leitang panin Israel ka lakhia ding hi; tua ciangin ka min dingin ka apsa inn pen ka muhna panin ka lawnkhia ding hi; tua ciangin Israel in mi khempeuh lakah paunak leh thugentehna suak ding hi.

2 KHANG TANGTHU NIHNATE 6:38

amaute galmatin a kitutna, galmatin a omna leitangah a ngaihsutna khempeuh uh leh a lungsim khempeuh uh tawh amaute kisik kikin, na teelsa khuapi leh nangma min dingin ka lamsa inn, nangmah in amau’ pute pate tungah na piak amau’ leitang lam nga-in thu hong nget uh leh,

Late 31:22

Lauthawngna tawh, “Nangma muhna panin gamlapi-ah kei hong kinot khia hi,” ka ci khin hi. Ahih hangin nang tungah huhna kong nget ciangin ka thuumnate nang nong za hi.

Late 42:8

Topa in sunin a itna kip hong sawl hi; zan ciangin nuntakna hong pia Pasian tungah thungetna la ka sa hi.

Late 5:7

Kei ahih leh, a kicing na itna kip suangin na inn sungah ka tum ding a, nangmah zahtakna tawh a siangtho na biakinn lam nga-in ka bia ding hi.

Late 88:6

Kei pen, mial-a a thukna mun, Leihawm thukna sungah nong koih khin hi.

Late 88:7

Nangma hehna keima tungah gik mahmah a, na tuihualte khempeuh tawh kei nong vukcip hi.

Isaiah 38:17

Gimna lianpi ka thuakna in keima metna hong suak ding hi. Lauhuaina khempeuh panin kei nong honkhia a, ka mawhna khempeuh na nungzang ah na koih hi.

Isaiah 49:14

Ahih hangin Jerusalem mite in, Topa in eite hong nusia khin a, i Topa in eite hong mangngilh khin hi,” a ci uh hi.

Jeremiah 15:1

Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

Jeremiah 7:15

Efraim’ suan-le-khak ahi leilu lam-a na behte khempeuh uh ka paihkhiat bangin note zong ka muhna panin kong paaikhia ding hi.

Kah la 3:54

Tui in hong tumcip gawp ahih manin a si khin ta-in ka kingaihsun hi.

Ezekiel 37:11

Tua ciangin Pasian in kei kiangah, “Ezekiel aw, Israel mite pen hih guhte tawh kibang uh hi. Amaute in, ‘I keucip a, lamet ding bangmah om lo a, i nuntakna guipi beita hi,’ ci uh hi.

Daniel 6:10

Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

Jonah 2:7

Kei ka lung a kiat ciangin, Topa ka phawk a; ka thungetna, na biakinn siangtho sung, nangma kiang hong tung hi.