Jonah 2:2 - Tedim Bible

² “Ka cihmawhna panin Topa ka sam a, amah in hong dawng hi; Sihna gam Sheol panin ka kiko-a, nangmah in ka aw nong za hi.

Tedim Bible Revision 2017

² “Ka cihmawhna panin Topa ka sam a, amah in kei hong dawng hi. Sihna gam Sheol panin kong kiko a, nangmah in ka aw nong za hi.

Jonah 2:2 Iomraidhean Croise

2 KHANG TANGTHU NIHNATE 33:12

Amah a lungkham ciangin Topa a Pasian’ maipha kunh-in a pu a pate’ Pasian mai-ah nakpi takin amah kiniamkhiat hi.

Late 116:3

Sihna khau in kei hong gakcip hi; Leinuai sihna in kei hong mancip a, natna leh lungkhamna ka thuak hi.

Late 120:1

Ka cihmawh ciangin Topa tungah ka kiko a, amah in hong dawng hi.

Late 16:10

Bang hang hiam cih leh keimah Leinuai nong zuan sak kei a, na mi hoihpa Leihawmpi na mu sak kei hi.

Late 22:24

Bang hang hiam cih leh amah in a thuak mi’ gimna simmawh lo, kih bawl lo hi; ama kiang panin a mai seel lo a, ama tungah a koh ciangin, amah in za hi.

Late 34:6

Hih mi hehpihhuaipa kiko-in, Topa in amah za a, ama haksatna khempeuh panin honkhia hi.

Late 4:1

Kong sap ciangin hong dawng in, a thuman ka Pasian! Gimna ka thuak ciangin nopsakna nong pia hi. Kei hong hehpih in la ka thungetna hong za in.

Late 61:2

ka lungsim a neu ciangin, leimong panin nang kong sam hi. Kei sanga a sangzaw suangpi tungah nangmah in hong paipih in;

Late 65:2

Nangmah in thungetna a za-pa na hi hi! Mawhna thu hangin nangma kiangah mi khempeuh hong pai ding uh hi.

Late 86:13

Bang hang hiam cih leh keimah nong itna kip lian mahmah a, Leinuai thuk sung sihna panin kei nong honkhia khin hi.

Isaiah 14:9

Nang na paisuk ciangin hong dawntuah dingin Hansunga misite’ khate kihanthawn a, nangmah hopih dingin leitungah a lian ngei misi uliante kipusuaksak hi; a minamte’ kumpite khempeuh amau kumpi tokhom panin hong tho uh hi.

Kah la 3:55

Topa aw, leihawm thukpi taw panin ka hong kiko to hi.

Ezekiel 26:20

Tang lai-a a sisa mite tawh a teeng khawm dingin misite’ khua Leinuai-ah kong puak ding hi. Siatna a thuak tawntung lei nuai-a omte lakah kong koih ding a, a sisate tawh na om ding hi. Tua lai panin a hingte lakah a om kik dingin nong kik nawn kei ding hi.

Ezekiel 31:14

Tua ahih ciangin tu-a kipanin singkung khat beek, bang zahin tui a ngah hangin tua zahin khangin, a dawn in meiipi banin sang zo ngei nawn lo ding hi. Misite omna Leinuai khua a zuan ding a si thei mihingte mah bangin, singkung khempeuh a si ding ahi ta hi.

Mattiu 12:40

Jonah in ngapi’ gil sungah ni thum a om mah bangin, Mihing Tapa in ni thum lei sungah a om ding hi.

Luka 11:10

Bang hang hiam na cih uh leh, a ngente khempeuh in a ngah ding uh hi. A zongte khempeuh in a mu ding uh hi. A kiute khempeuh ading kongkhak a hon’ ding hi.

Luka 22:44

Amah gim mahmah ahih ciangin, nakpi-in thungen a, a khua-ul in lei tungah sisan malgol bangin a kia hi.

Sawltak 2:27

Bang hang hiam i cih leh, nangmah in ka Kha, Sihna gam sungah na nusia kei ding hi. Na Misiangtho zong muatna na thuaksak kei ding hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

1 SAMUEL MASA 1:16

Lungkhamna leh gimna tawh a pau ka hih manin numei ginalo bangin na nasemnu hong ngaihsun kei in,” a ci hi.

1 SAMUEL MASA 30:6

David nakpi takin lungkham hi; bang hang hiam cih leh mi khempeuh a tanute a tapate uh hangin a lungsim uh na lua ahih manin suang tawh amah den’ ding gen uh hi. Ahih hangin David in amahmah Topa a Pasian sungah kithakhauhsak hi.