Jonah 1:9 - Tedim Bible

⁹ Amah in, “Keimah in Hebru mi ka hi hi; tuipi leh leitung a bawl, vantungte’ Pasian ahi Topa ka bia hi,” a ci hi.

Tedim Bible Revision 2017

⁹ Amah in, “Kei pen Hebru mi ka hi hi; tuipi le leitang a bawl, vantungteʼ Pasian ahi Topa ka bia hi,” a ci hi.

Jonah 1:9 Iomraidhean Croise

Piancilna 1:10

Pasian in lei keu pen Leitung ci a, a kikaikhawm tuite pen Tuipite ci hi. Pasian in tua pen hoih hi ci-in mu hi.

Piancilna 14:13

Tua ciangin a suakta mi khat hong pai-in, Hebru mi Abram’ kiangah hong gen hi. Amah pen Eshkol leh Aner’ sanggampa ahi hi. Amor mi hi a, Mamre’ tawsawte gei-ah teng hi; hih mite pen Abram’ kipawlpihte ahi hi.

Piancilna 24:7

Ka pa’ inn leh ka suahna leitang panin kei hong la-in, kei' kiangah thu hong genin kei' tungah hong kiciam a, ‘Na suan-le-khakte' tungah hih leitang ka pia ding hi,’ a hong ci vantung Pasian, Topa in nangma' mai-ah a vantungmi sawl ding a, tua lai mun panin nangmah in ka tapa ading zi khat na la ding hi.

Piancilna 39:14

ama' inn sung mite samin amaute' kiangah, “En un, amah in eite hong no dingin Hebru mi khat eite' lakah hong paipih hi; kei tawh lumkhawm dingin amah hong sungtang a, nakpi takin kei ka kiko hi;

2 KUMPI NIHNATE 17:25

Tua lai-ah a ten’ cilun amaute in Topa kihta lo uh hi; tua ahih ciangin Topa in amaute kimkhat a that humpinelkaite amaute lakah khah hi.

2 KUMPI NIHNATE 17:28

Tua ahih ciangin Samaria panin a puakkhiat uh siampite khat hong pai-in Beth-el ah teng a, amaute in Topa bangci kihtak ding cih thu amaute kiangah hilh hi.

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.

Ezra 5:11

Amaute in hih bangin hong dawng uh hi: ‘Kote in vantung leh leitung Pasian’ nasemte ka hi uh a, kum tampi lai-a a kilamsa inn a lamkik ka hi uh hi; a lian Israel kumpi khat in lamin a zawhsa ahi hi.

Nehemiah 1:4

Hih thu ka zak ciangin tusukin ka kap niloh a, ni tampi sung an tangin, vantung Pasian kiangah thu ka ngen hi.

Nehemiah 2:4

Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawngah vantung Pasian kiangah thu ka ngen a,

Nehemiah 9:6

Nang bek in Topa na hi hi; nangmah in van sangpen vantung a, aksihonpite tawh, leitung leh a tunga om khempeuh, tuipi leh a sunga om khempeuh na bawl hi. Nangmah in tuate khempeuh na piangsak a, vantungmi honpi in Nang hong bia uh hi.

JOB (Job) 1:9

Tua ciangin Satan in Topa dawngin, “Job in Pasian hong mawk zahtak ahi hiam?

Late 136:26

Vantung’ Pasian’ tungah lungdamna ko un, bang hang hiam cih leh ama itna kip kho tawntung hi.

Paikhiatna 1:15

Tua ciangin Izipt kumpipa in khat’ min in Shifrah kici-in a dang khat min in Puah a kiciHebru mi naudomte' kiangah,

Paikhiatna 2:13

A zing ciangin amah a paikhiat ciangin, en in, Hebru mi nih na kilai uh hi; amah in a gamta khial mipa' kiangah, “Bang hangin na lawm sat na hi hiam?” ci hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Sawltak 27:23

Bang hang hiam na cih uh leh, hong uk leh kei in a na ka sepsak Pasian’ vantungmi khat in tuzanin ka kiangah ding a,

Filippi 3:5

Keimah in ni giat ni-in vun-atna ka thuak hi. Israel mi Benjamin’ suan ka hi hi. Hebru mi pana piang Hebru mi taktak ka hi hi. Thukham lam pan ci leeng Farisai mi ka hi hi.

Mangmuhna 11:13

Tua hun lai takin zin nakpi liingin khuapi seh sawm suah seh khat cimin, mi tulsagih a si uh hi. A om lai mite lau-in liingin, vantung Pasian’ vangliatna a phat uh hi.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

Mangmuhna 16:11

Amau natna meimate hangin vantung Pasian a kosia uh hi. Amaute gamtatnate zong a kisik kei uh hi.