Jonah 1:3 - Tedim Bible

³ Ahih hangin Topa kiangpan Jonah tai khia-in Tarshish khua lamah taisim dingin a kithawi zawsop hi. Joppa khua-ah a paisuk-a Tarshish khua a zuan ding teembaw khat a mu hi. A sap man pia-in a tungah kah a, Topa kiang pan taikhia dingin teembaw hawlte tawh Tarshish khua-ah a pai hi.

Tedim Bible Revision 2017

³ Ahih hangin Topaʼ kiang pan Jonah tai khia-in Tarshish khua lamah a taisim dingin a kithawi zawsop hi. Joppa khua ah pai suk a, Tarshish khua a zuan ding teembaw khat a mu hi. A sap man ding pia-in a tungah kah a, Topaʼ kiang pan a tai khia dingin teembaw hawlte tawh Tarshish khua ah a pai hi.

Jonah 1:3 Iomraidhean Croise

Piancilna 3:8

Khuavot hunin huan sungah Topa Pasian a paina ging amaute in za uh a, Topa Pasian’ muhna panin mipa leh a zi, huan sung singte' lakah bu uh hi.

Piancilna 4:16

Tua ciangin Topa’ omna panin Kain pai khia a, Eden nisuahna lam Nod gamsungah teng hi.

1 KUMPI MASATE 19:3

Tua ciangin amah lau a, ding-in a suahtak nadingin pai a, Judahte’ khua Be-ersheba tungin tua lai-ah a nasempa nusia hi.

1 KUMPI MASATE 19:9

Tua ciangin leihawm khatah amah tungin tua lai-ah giak hi; en in Topa’ thu ama tungah hong tung a, amah in ama kiangah, “Elijah, hih lai-ah bang hih na hi hiam?” a ci hi.

2 KHANG TANGTHU NIHNATE 2:15

Tua ahih ciangin tu-in ka topa in a gensa mangbuh leh mangbuhham, sathau leh leenggahzute, na nasemte tungah puak in;

2 KHANG TANGTHU NIHNATE 2:16

tua ciangin na kisap sing peuhmah Lebanon panin kong phuk ding uh a, nangmah in Jerusalem ah na puaktoh theih nadingin phong-in tuipi tungah Joppa dong nang kiangah kong paipih ding uh hi,” zong ci lai hi.

2 KHANG TANGTHU NIHNATE 9:21

Bang hang hiam cih leh Kumpi Huram’ nasemte tawh kumpipa’ teembawte, Tarshish ah pai hi; Tarshish teembawte kum thum simin khatvei hong tungin kham, ngun, saiha, zawngmaw, leh zawngpi hong puak zel hi.

Ezra 3:7

Tua hi a, amaute in suangseekte leh khutsiamte tungah sum pia uh a, Persia kumpipa Sairas’ tung panin a thu ngahna bangun Lebanon mualtung gam panin tuipi gei Joppa khua ah taamtaak singte a hong puaksuk ding Sidon khuamite leh Tai-ar khuamite tungah zong annek tuidawn leh sathau a pia uh hi.

JOB (Job) 1:12

Tua ciangin Topa in Satan kiangah, “En in, ama neihsa khempeuh na khut sungah kong ap hi; ahi zongin ama pumpi ahih leh na sukha kei ding hi,” a ci hi. Tua ciangin Topa’ omna panin Satan paikhia hi.

JOB (Job) 2:7

Tua ahih ciangin Topa’ omna panin Satan paikhia a, Job a khetul pan a luzang dongin a kihhuai meima veisak hi.

Late 107:23

Pawlkhatte, teembaw tawh tuipi-ah pai uh a, tuiliante tungah sumbawl na sem uh hi;

Isaiah 2:16

Tarshish teembaw khempeuh leh teembaw hoih khempeuh, a niam koih ding ni khat a nei hi.

Isaiah 23:1

Tai-ar khua tawh kisai thu: Tarshish teembaw hawlte aw, Tai-ar khua kisia a, inn leh khawlmunte om nawn lo ahih manin, kap un! Saipras gam panin hih thu amaute in za uh hi.

Isaiah 23:10

Tarshish mite aw, tu-in kuankhia un la, lo kho un. Na sum bawlna teng uh maimang khin ta hi.

Isaiah 23:6

Tuipi gei-a teeng mite aw, Tarshish khua-ah tai un la, kap un!

Isaiah 60:9

Hih teembawte pen, tuipi gei leh tuikulh-a om teembawte hi a, Tarshish teembaw lianpite in hong makaih hi. Topa in nang hong minthangsak khin ahih manin, gamlapi panin tua teembawte in nangma mite hong puak uh a, a ngun a khamte uh tawh hong puak khawm hi. Topa na Pasian, Israelte’ Siangtho Pa Pahtawina-a hong puak uh ahi hi.

Jeremiah 10:9

Tarshish khua panin ngun sek sa va la uh a, Uphaz khua panin kham va la uh hi. Khut siamte leh kham sekte in milim-in bawl uh a, siamgat siamte’ gat ahi, puan engdup leh puan sandup tawh zem uh hi.

Ezekiel 2:8

“Ezekiel aw, nang tungah kong gen thute ngai in. Amaute bangin hong langpang kei in. Na kam ka in la, tu-in ka hong piak ding na ne in,” hong ci hi.

Ezekiel 27:12

Tarshish gamte tawh sum lei sum zuakna-ah na kizom uh a, na van tampite hong leina-in ngun, sik, dal, leh haknawte hong pia uh hi.

Ezekiel 3:14

Pasian’ Kha in hong pai khiatpih lai takin ka lungkim het loin ka heh suak mahmah hi. Ahi zongin Topa’ vangliatna in kei hong zo zaw hi.

Jonah 1:10

Tua ciangin tua mite a lau mahmah uh a, “Bang hangin hih bangin hih mawk na hi hiam?” a ci uh hi. Bang hang hiam cih leh Topa kiangpan amah a taikhia sim ahih lam a gen khit sa ahih manin a thei khin zo uh hi.

Jonah 4:2

Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Luka 9:62

Zeisu in, “Lawi lokhawhna leeng letsan len kawm a, nunglam a en mi in Pasian’ Gam tawh kituak lo hi,” a ci hi.

Sawltak 15:38

Paul in Pamfilia khua panin Marka in amaute tawh kikhen ahih ciangin, tua banga nasem ding nung zui lo mipa pen sap loh dingin a ngaihsun hi.

Sawltak 26:19

“Tua ahih ciangin Agrippa Kumpipa aw, vantung mangmuhna ngai loin ka om kei hi.

Sawltak 9:36

Joppa khua-ah Dorkas a cihnopna ahi Tabitha min nei, nungzui a suak numei khat a om hi. Tua numei in a pha gamtatna leh mi hehpihna lungsim a nei hi.

Sawltak 9:38

Lidda khua in Joppa khua tawh kinai ahih ciangin Piter tua khua-ah a om ci-in nungzuite in a theih uh ciangin mi nih sawl uh a, “Zekai loin ko kiangah hong pai in,” ci-in a thuum uh hi.

Sawltak 9:42

Tua thu in Joppa khua-ah kithei khin a, mi tampi in Topa a um uh hi.

Sawltak 9:43

Piter in Joppa khua-ah savun bawlpa Simon kiangah sawt veipi a taam hi.

1 KORIN MASA 9:16

Lungdamna Thu ka hilh manin kisaktheih nading thu om lo hi. Bang hang hiam na cih uh leh, thu hilh loin ka om thei kei hi. Thu ka hilh kei leh, gimna ka thuak hi.

2 THESALONIKA NIHNA 1:9

Tua Topa in ama misiangthote hangin minthan’na a ngah nading ahi zongin, kote’ teci pan’na thu note in um na hih uh ciangin a um mite khempeuh hangin nakpi-in lamdangsakna ngah nading ahi zongin, a hong pai ding Ni-ah tua mite in Topa maitang tawh ahi zongin, vangliatna tawh kipawl minthan’na tawh ahi zongin kikhenin, kisiat tawntungna ahi mawhna’ daantatna a thuak ding uh hi.

Joshua 19:46

leh Joppa galkhat-a om Mejarkon leh Rakkon a gamte tawh huam hi.