Jonah 1:2 - Tedim Bible

² “Kithawi in la, a lian mahmah Nineveh khuapi-ah va pai-in va thu hilh in; bang hang hiam cih leh amau’ gitlohna thu ka za khin zo hi,” a ci hi.

Tedim Bible Revision 2017

² “Kithawi inla, a lian mahmah Nineveh khuapi ah va pai-in thu va hilh in; bang hang hiam cih leh amauʼ gitlohna thu ka za khinzo hi,” a ci hi.

Jonah 1:2 Iomraidhean Croise

Piancilna 10:11

Tua gam panin Assiria gamsungah amah pai a, Nineveh, Rehoboth-Ir, Kalah leh

2 KUMPI NIHNATE 19:36

Tua ciangin Assiria kumpipa Sennakherib kihemkhia a, innah ciahin Nineveh ah teng hi.

2 KHANG TANGTHU NIHNATE 28:9

Ahih hangin Oded min nei Topa’ kamsang khat tua lai-ah om hi; tua ciangin Samaria ah hong tung galkapte a dawn dingin amah pai khia a, amaute kiangah, “En un, na pu na pate uh’ Pasian Topa in Judah tungah heh ahih manin note khut sungah amaute hong pia a, ahih hangin note in heh mahmahna tawh amaute na that uh a, tua in vantung dong ban hi.

Ezra 9:6

“Ka Pasian aw, ka mawhnate un ka lu dawn uh hong vuknelhin vantung dong banto ahih manin nangma lam kong et ding maizumin ka mai san hi, ka Pasian aw.

Isaiah 37:37

Tua ciangin Assiria kumpipa Sennakherib taikhia a, innah ciahin Nineveh khua-ah teeng hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Jeremiah 20:9

Keimah in, “Ama’ thu ka gen kei ding a, ama’ min ka lo nawn kei ding hi,” ci mah taleng zong, ama’ thu ka lungsim sungah meikuang bangin hong om a, ka guh ka tang sungah kikhum cip ahih manin ka ki-ip ipna-in ka gim lua a, gen loin ka om thei kei hi.

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Hosea 7:2

Amau’ gamtatsiatna khempeuh ka phawk lam tak amaute in ngaihsutin nei kha lo uh hi. Amau’ mawhna in amaute gakcip a, ka muhna mahmah-ah om gige uh hi.

Jonah 3:2

“Kithawi in la, a lian mahmah Nineveh khuapi-ah va pai-in kong gen sa thu va tangko in,” a ci hi.

Jonah 3:3

Jonah zong kithawi pah-a Topa’ cih bangin Nineveh khua-ah a pai hi. Nineveh khua pen khuapi lian mahmah khat hi a, nithum sung tak kikantan hi.

Jonah 4:11

Tua ahih leh keimah in ganhing tampi thamlo, a taklam khut leh a veilam khut nangawn a khen thei nai lo naupang tulza leh tulsawmnih sanga tam zawte’ teen’na, a lian mahmah Nineveh khuapi pammaih sa lo ding ka hi hiam?” ci-in a dawng kik hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin, Topa’ Kha vangliatna tawh kidimin, thutang gen ngamna lungsim ka nei hi.

Nahum 1:1

Hih in Nineveh khua tawh kisai thugenna hi a, Elkosh khuami Nahum’ mangmuhna a kiciamtehna lai ahi hi.

Nahum 3:19

Na liammate a dam theihna ding om lo a, na meimate a dam thei lo pawl ahi hi. Na thuakna thu a za mi khempeuh in lungdamin a khut uh beng ding hi. Bang hang hiam cih leh na gitlohna a thuak kha lo kuamah om lo hi.

Mattiu 10:18

Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

Mattiu 12:41

Thukhen ni ciangin Nineveh khuamite in tu-a khang mite lang khatah ding-in a mawhsak ding uh hi. Bang hang hiam na cih uh leh, Jonah in thu a hilh manin amau in mawhna a kisikkik uh hi. Hih lai takah Jonah sangin a lianzaw mi khat a om hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Mangmuhna 18:5

Bang hang hiam na cih uh leh, tua khuapi-a gitlohnate in vantung dongin tung a, Pasian in tua gitlohna thute a phawk zo hi.