Johan 9:8 - Tedim Bible

⁸ Tua ahih ciangin amah in khutdawh ngen mi ahih lam a inn veengte leh amah a mu ngeite in, “Hih pa in tu-a khutdawh ngenpa hilo ahi hiam?” a ci uh hi.

Tedim Bible Revision 2017

⁸ Tua hun ma-in amah ngettawm suangin a om a mu a veengte le amah a mu ngei mite in khua a muh theihna a muh uh ciangin, “Ngettawm suangin a tutu mipa hi lo ahi hiam?” a ci uh hi.

Johan 9:8 Iomraidhean Croise

Marka 10:46

Jerikho khuapi tung uh a, Zeisu in a nungzuite akipan mihonpite tawh Jerikho khuapi pan a paikhiat lai takun, Timeus’ tapa Bartimai a min nei, mittaw khutdawh ngen khat lampi geiah a tu hi.

Luka 1:58

Topa in a lian hehpihna Elisabeth tungah a bawl, a inn vengte leh a behte in a zak uh ciangin, amah tawh kibangin lungdamin a nuam uh hi.

Luka 18:35

Zeisu in Jerikho khuapi a naih ciangin, mittaw khat in khutdawh ngenin lam geiah a tu hi.

Johan 9:9

Midangte in, “Ahi hi,” a ci uh hi. Kimkhat in, “Ahi kei hi, a kibang hi,” a ci uh hi. Amah in, “Kei tua pa ka hi hi,” a ci hi.

Ruth 1:19

Tua ahih ciangin Bethlehem a tun’ mateng a nih-un paisuak uh hi. Bethlehem a tun’ uh ciangin amaute’ hangin a khuazangpi-un luum lialua uh hi; “Hih nu Naomi ahi hiam?” a ci uh hi.

1 SAMUEL MASA 2:8

Amah in leivui panin mizawngte phong to a, amah in a cimawhte a lungkhamna panun phong to hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa aa hi a, tuate tungah amah in leitung pumpi koih hi.

1 SAMUEL MASA 21:11

Akhish nasemte in ama kiangah, “Hih David in a gam kumpipa hilo ahi hiam? Amaute khat leh khat in ama thu la-in sa-in lam uh a, ‘Saul in a tulin that, David in a tul sawmin that,’ ci hilo ahi uh hiam?” a ci uh hi.