Johan 9:34 - Tedim Bible

³⁴ Amaute in, “Nangmah in na suah akipan khialhna tawh kidim hi napi-in, kote thu hong hilh ding na hi hiam?” ci-in tua pa biakna innpi pan a hawlkhia uh hi.

Tedim Bible Revision 2017

³⁴ Tua ciangin amaute in, “Mawhna bulomtang sung panin suakin a khang khia mipa in kote tungah thu hong hilhsawm na hi hiam?” ci-in tua mittaw ngei pa a hawl khia uh hi.

Johan 9:34 Iomraidhean Croise

Piancilna 19:9

Ahih hangin amaute in, “Taikhia in!” ci uh hi. Amaute in, “Kote’ kiangah hong peem pak a, tu-in nang thukhen hong kineih! Tu-in amaute' sangin nang kong siatbawl zaw ding uh hi,” ci hi. Tua ciangin amaute in nakpi takin Lot’ lam hong neh uh a, kongkhak a phukham zah dongin hong neh uh hi.

2 KHANG TANGTHU NIHNATE 25:16

Ahih hangin amah in thu a gen lai takin kumpipa in ama kiangah, “Kumpi tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin, “Nangmah in hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

JOB (Job) 14:4

Mihing banga a ninte sung panin a siang bangmah hong piang lo ding hi.

JOB (Job) 25:4

Pasian’ muhna-ah kua dik zo ding a, kua siangtho zo ding ahi hiam?

Late 51:5

En in, a khialsa mahin kei ka suakkhia a, ka nu in hong paai cil-a kipan a mawhsa ka hi hi.

Paikhiatna 2:14

Amah in dawngin, “Kote' tungah ulian ding leh thukhen dingin kua in nang hong koih ahi hiam? Izipt mipa na thah bangin nang in keimah thah ding hong sawm na hi hiam?” ci hi. Tua ciangin Moses lau a, “A thu kithei taktak hi,” ci-in ngaihsun hi.

Paunak 22:10

Mi kiphasakte hawlkhia lecin, kitotna leh kisimmawhna bei ding hi.

Paunak 26:12

A pil lo kimlai pil a kisapa sangin, mihaite’ adingin lametna om zaw lai hi.

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

Isaiah 65:5

“Note kiang panin kote hong kituam koih ahih manin kihemkhia un la, ko kiangah hong pai kei un,” ci-in midangte tungah a gen mite in ni khat tawntung a kuang mei leh ka nak sunga meikhute bang ahi uh hi.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Luka 11:45

Thukham siate khat in, “Sia aw, tua bang na gen ciangin ko zong na hong taai hi,” a cih ciangin,

Luka 14:11

Bang hang hiam na cih uh leh, ama pumpi a phat mi khempeuh in niamkhiatna a ngah ding uh hi. A kiniamkhiat mi in minphatna a ngah ding uh hi,” a ci hi.

Luka 18:17

Ke’n aman takpi kong cih-inah, naupang bangin Pasian’ Gam a sang lo peuhmah in tua gam sungah a lut kei ding uh hi,” a ci hi.

Luka 6:22

Mite in Mihing Tapa hangin note muhdah uh a, hong hawlkhiat uh a, hong kosiat uh a, na min uh hong siatsak ciangin, thupha na ngah ding uh hi.

Johan 6:37

Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Johan 8:41

Note in na pa uh a gamtat bangin na gamta uh hi,” a ci hi. Amaute in, “Kote in zawlta ka hi kei uh hi; Pasian kici Pa khat bek ka nei uh hi,” a ci uh hi.

Johan 9:2

A nungzuite in, “Rabbi aw, kua mawhna hanga hihpa’ mittaw ahi hiam? Ama mawhna hang ahi hiam, a nu leh pa’ mawhna hang ahi hiam?” ci-in a dong uh hi.

Johan 9:22

A nu leh pate in Judah mite a kihtak manunah tua bangin a gen uh hi. Bang hang hiam i cih leh, “Zeisu in Khazih ahi hi a ci mi khempeuh biakna innpi pan kihawlkhia ding hi,” ci-in amaute in a vaihawm zo uh hi.

Johan 9:35

Amaute in amah a hawlkhiatna thu Zeisu in za a, tua pa a muh ciangin, “Pasian’ Tapa na um hiam?” ci-in a dong hi.

Johan 9:40

Ama kiangah a om Farisaite kimkhat in tua thu a zak uh ciangin, “Ko zong mittaw ka hi uh hiam?” ci-in a dong uh hi.

1 KORIN MASA 5:13

A pua lamah a omte Pasian in thu a khen ding hi. Tua a gilopa note lak pan na hawlkhia un.

Galati 2:15

Thukham zuihna hangin diktan’sakna kingah lo hi, Zeisu Khazih’ thu-upna bek hangin diktan’sakna kingah hi ci-in mawhna a nei Gentailte hi loin, a pian’na pan Judah mite ahi eite in i theih mah bangin

Efesa 2:3

Tua mite tawh eite khempeuh in zong nidang lai-in i ci-le-sa deihna ah lungsim deihna zui-in, si-le-sa deihna bangin gamta-in i om a, adang mite bangin ngeina bangin a hehna a thuak mi i hi hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

3 JOHAN THUMNA 1:10

Tua a hih ciangin ka hong pai ciangin amah in a bawlna thu ka phawksak kik ding hi. Amah in en’na, siatsak nopna kam tawh kote hong kosia tham loin, ute naute ama innah a tungsak nuam kei hi. A tungsak nuam mite zong khamin, pawlpi sung pan a hawlkhia hi.

3 JOHAN THUMNA 1:9

Pawlpi kiangah vaikhakna lai gelhin ka pia zo hi. Ahih hangin a uk a lian a suak nuam Diotrefes in ka thu a mang kei hi.