Johan 9:17 - Tedim Bible

¹⁷ Tua ciangin khatvei amau in, “Na mit hong vaksakpa kua tawh kibang ahi hiam? Bangci na ngaisun hiam?” ci-in mittaw ngeipa a dong uh hi. Amah in, “Pasian’ kamsangpa ahi hi,” a ci hi.

Tedim Bible Revision 2017

¹⁷ Tua ahih manin Farisi mite in mittaw pa kiangah, “Ka mit khua hong musak hi, ci na hih manin amah kua hi dingin ngaihsun na hi hiam?” ci-in a dotkik uh ciangin, “Amah kamsang khat hi ding hi,” ci-in a dawng hi.

Johan 9:17 Iomraidhean Croise

Mattiu 21:11

mihonte in, “Hihpa in Galile gam Nazareth khua kamsangpa Zeisu hi,” a ci uh hi.

Luka 24:19

Zeisu in, “Bang thu ahi hiam?” ci-a a dot leh, tua pa in, “Nazareth mi Zeisu’ thu ahi hi. Tua pa in Pasian mai-ah ahi zongin, mite mai-ah ahi zongin, kam siamna leh khut siamna tawh a dim kamsangpa ahi hi.

Johan 4:19

Numei in, “Topa aw, nangmah in Pasian’ kamsangpa na hih lam ka thei hi.

Johan 6:14

Tua bangin Zeisu in nalamdang a bawl tua mite in a muh uh ciangin, “Hih pa in leitungah hong pai ding Pasian’ kamsangpa taktak ahi hi,” a ci uh hi.

Johan 9:15

Tua ahih ciangin khatvei Farisaite in zong, “Na mitang bangci a hong vak hiam?” ci-in a dong kik uh hi. Amah in, “Ka mitah buan hong nuh a, ka sil khit ciangin khua ka mu thei hi,” a ci hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.

Thu-hilhkikna 18:15

“Topa na Pasian un note lak ahi na sanggamte lak panun note adingin kei tawh a kibang kamsang khat hong khangsak ding hi—note in ama thu na ngai ding uh hi—