Johan 9:16 - Tedim Bible

¹⁶ Tua ahih ciangin Farisaite kimkhat in, “Hih mi in Sabbath ni tang lo ahih ciangin Pasian sawl mi ahi kei hi,” a ci uh hi. Kimkhat in, “Mawhnei mi khat in hih bang nalamdang a lak thei ding hiam?” a ci uh hi. Tua ahih ciangin amaute kithutuak loin a kikhenthang uh hi.

Tedim Bible Revision 2017

¹⁶ Farisi mi pawl khat in, “Amah in Sabbath ni tang lo ahih manin Pasian kiang panin hong pai mi hi lo ding hi,” a ci uh hi. Ahi zongin pawl khatte in, “A gamta khial mi in bang hangin hih bangin nalamdang bawl thei ding ahi hiam?” ci leuleu ahih manin miteʼ ngaihsutna kituak lo hi.

Johan 9:16 Iomraidhean Croise

Mattiu 12:10

Tua lai-ah khut langkhat si mi khat a om hi. Amaute in Topa a mawhsak nop manun, “Nipi ni-in cinatna damsak tuak ahi hiam?”ci-in a dong uh hi.

Mattiu 12:2

Farisaite in a muh uh ciangin Topa kiangah, “En in, Nipi ni-in ahih tuak lo na, na nungzuite in ahih uh hi,” a ci uh hi.

Luka 13:14

Zeisu in Nipi ni-in cina a damsak man-inah kikhopna inn ukpa heh a, mihonpite kiangah, “Nasep nadingin ni guk a om hi. Tua nite sungin hong pai un la, cidamna na ngah ding uh hi. Nipi ni-in hong pai kei un,” ci-in a gen hi.

Johan 10:19

Tua thu hangin Judah mite kithutuak loin a kikhenthang kik uh hi.

Johan 14:11

Pa sungah ka om a, Pa in kei sungah a om thu hong um in. Ahih kei leh zong ka bawl nalamdangte’ thu ngaihsunin hong um un.”

Johan 15:24

Midangte in a bawl ngei loh nalamdangte amaute lakah bawl lo hi leng, mawhna a nei kei ding uh hi. Ahih hangin tu-in amaute in hih nalamdangte mu khin napi-in kei leh ka Pa hong mudah veve uh hi.

Johan 2:11

Zeisu in a masapen hih nalamdang Galile gam Kana khua-ah bawl a, ama minthan’na kilangsakin a nungzuite in zong amah a um uh hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 5:10

Tua ahih ciangin Judah mite in a kiangah, “Tuni in Sabbath ni ahi hi; lupna puak tuak lo hi,” ci-in a gen uh hi.

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Johan 6:52

Tua ciangin Judah mite in, “Hih pa in ama sa nek dingin bangci hong piak thei ding ahi hiam?” ci-in khat leh khat a kiseel uh hi.

Johan 7:12

Mihonpite in ama hangin thu tampi kikum uh hi. Mi kimkhat in, “Amah mipha ahi hi,” ci uh a, mi kimkhat in, “Mipha ahi kei hi, mihonpite a kheempa ahi hi,” a ci uh hi.

Johan 7:23

Moses’ Thukhamna a siat thei loh nadingin Sabbath ni-in mi in vunatna a ngah hi. Ahih hangin Sabbath ni-in mi’ pumpi khat ka damsak ciangin bang hangin kei tungah heh na hi uh hiam?

Johan 7:43

Tua ahih ciangin, mihonpite lakah amah hangin thu kituak loin a kikhenthang uh hi.

Johan 9:24

Tua ahih ciangin, a mittaw ngeipa sam kik uh a, “Pasian phat in, hih mi in mawhnei mi ahih kote’n ka thei uh hi,” a cih uh ciangin,

Sawltak 14:4

Khua sung mi honpite a kikhen uh a, kimkhat in Judah mite lamah, kimkhat in sawltakte lamah a kipawl uh hi.