Johan 9:10 - Tedim Bible

¹⁰ Tua ahih ciangin amau in, “Tua ahih leh, na mittang bangci-a hong vak ahi hiam?” a ci uh hi.

Tedim Bible Revision 2017

¹⁰ amaute in, “Tua pa na hih leh bangci-in khua mu theikik na hi hiam?” ci-in a dong uh hi.

Johan 9:10 Iomraidhean Croise

Thuhilh-sia 11:5

Nupi gai khat sungah nuntakna thak bangci kipat hiam, ci-in na theih zawh loh mah bangin, na khempeuh a bawl Pasian’ nasepna, na thei zo ngei kei ding hi.

Jeremiah 36:17

Tua ciangin Baruk’ kiangah, “Hih thute khempeuh bangci gelh na hi hiam? Jeremiah in hong sit ahi hiam?” ci-in a dong uh hi.

Marka 4:27

Sun tawh zan tawh tua pa ihmu zel, tho zel a, ama theih lohin a kung po a, hong khangto hi.

Johan 3:9

Nikodemas in, “Hih thute bangci piang zo ding ahi hiam?” ci-in a dot ciangin;

Johan 6:1

Tua nung ciangin Zeisu in Tiberias tuili kici, Galile tuili gal khatah a pai hi.

Johan 9:11

Amah in, “Zeisu kici mi khat in buan bawla ka mitah a nuh khit ciangin, ‘Siloam bualah pai in la, sil in,’ hong cih bangin pai-in ka sil leh, khua ka mu hi,” a ci hi.

Johan 9:15

Tua ahih ciangin khatvei Farisaite in zong, “Na mitang bangci a hong vak hiam?” ci-in a dong kik uh hi. Amah in, “Ka mitah buan hong nuh a, ka sil khit ciangin khua ka mu thei hi,” a ci hi.

Johan 9:21

Ahih hangin tu-in bangci a khua mukik thei hiam ci-in ka thei kei uh hi. Kua in ama mit vaksak hiam ci-in ka thei kei uh hi. Amah khan’ cing zo hi; amah na dong un, amah in ama thu hong gen ding hi,” a ci uh hi.

Johan 9:26

Tua ciangin amaute in, “Nangma tungah bang hong bawl ahi hiam? Na mittang bangci a hong vaksak hiam?” ci-in a dot kik uh leh,

Johan 9:9

Midangte in, “Ahi hi,” a ci uh hi. Kimkhat in, “Ahi kei hi, a kibang hi,” a ci uh hi. Amah in, “Kei tua pa ka hi hi,” a ci hi.

1 KORIN MASA 15:35

“Misite bangci-in thokik ding uh ahi hiam? Bang ci pumpi hong suak ding uh hiam?” ci-in mi kimkhat in hong dong uh hi.