Johan 8:7 - Tedim Bible

⁷ Amaute in a dot sawnsawn uh ciangin ding a, “Note lakah mawh nei lo mi khat in numei suang tawh deeng masa hen,” a cih khit ciangin,

Tedim Bible Revision 2017

⁷ Amaute in Jesu kiangah dong teitei uh ahih manin amah zong dingin amaute kiangah, “Note lakah mawhna a nei het lopa in deng masa un,” a cih khit ciangin,

Johan 8:7 Iomraidhean Croise

Paunak 12:18

Ngaihsun lo-a kampauna in temhiam bangin mi liamsak thei a, mipilte’ kampauna in tua bang liamna damsak thei hi.

Jeremiah 23:29

Ka kammal in mei tawh ahi zongin, suangtum a sat nen zo sek tawh ahi zongin kibang hilo ahi hiam? Topa in kong ci hi.

Johan 7:46

Palikte in, “Tua pa’ hilh bangin kuamah in a hilh ngei kei hi,” a ci uh hi.

Johan 8:10

Zeisu ding kik a, “Numei aw, amaute koi lai-ah a om uh hiam? Kuamah in nang thu hong khen lo hiam?” ci-in a dong hi.

Johan 8:8

khatvei kun kikin a khutme tawh leiah a gelh hi.

Kolose 4:6

Mi khempeuh tungah bang ci dawn’ kik ding cih na theih nadingun, note kam in ci al bangin a al limna tawh dimin kilawm tawntung ta hen.

Mangmuhna 1:16

A khut tak lamah aksi sagih a tawi hi. A kam sungpan a lang nih a hiam namsau a pusuak hi. A maitang meel in a tang pha mahmah ni tawh kibang hi.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

Mangmuhna 2:16

Tua ahih ciangin na kisikkik in. Tua bang ahih kei leh, nangma kiangah a manlangin kong pai ding a, ka kam sungpan a pusuak namsau tawh tua mite ka do ding hi.