Johan 8:6 - Tedim Bible

⁶ Tua bang a cih uh ciangin, Zeisu tungah mawhna zon’ nadingun ci-in a ze-et uh hi. Ahih hangin Zeisu kun a, a khutme tawh leiah lai a gelh hi.

Tedim Bible Revision 2017

⁶ Hih bangin a dot uh ciangin Jesu a mawhsak theih nadingun a thangsiahna uh ahi hi. Jesu zong kun suk a, a khutme tawh leilak a gelh hi.

Johan 8:6 Iomraidhean Croise

Piancilna 49:9

Judah in humpinelkai tawh kibang hi; ka ta aw, na matsa ganhing na nekna panin na paito hi. Amah kun suk a, humpinelkai-pa leh humpinelkai-nu bangin lum hi; kua in amah phong ngam ding ahi hiam?

Late 39:1

“Ka leii tawh ka khialh loh nadingin ka gamtatna ka kikem ding a, ka omna-ah migilote a om lai teng ka kam ka kham ding hi,” ka ci hi.

Paunak 26:17

Eite tawh a kisai lo kitotna sunga va kiphumna in, ui ommuang khat a bil-a kaihsak tawh kibang hi.

Thuhilh-sia 3:7

Balkeek hun om a, phop hun om hi. Daih hun om a, pau hun om hi.

Jeremiah 17:13

Aw Topa, Israel mite’ lametpa aw, nang a hong taisan mite a zahhuai ding uh hi. Nang a hong lehngat san mite leivui laka min gelh bangin a mang thang ding uh hi. Bang hang hiam cih leh nuntakna ciktui ahi Topa a hong taisan zo uh hi.

Daniel 5:5

Thakhat thu-in kumpi inn sung meivak tan’ penna lam kawm tungah mihing khut khat hong kilang a, lai a hong gelh hi. Kumpipa in tua khut in lai a gelh laitak a mu hi.

Amos 5:10

Note in thukhen zumah thutang a deihpa na mudah uh a, thuman a genpa na hua uh hi.

Amos 5:13

Tua ahih manin hih bang hun siat hun lai takin, thu ngaihsun thei mite pau loin a om khikhe, lamdangsak ding hi lo hi.

Gamlak-vakna 14:22

Izipt leh gamlakah ka hihsa ka minthan’na leh ka limte mu khin napi-in sawm vei kei hong ze-etin keima aw a ngai lo mite,

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Mattiu 15:23

A nungzuite in a kiangah va nai uh a, “Tua numei na paikhiasak ta in. I nung hong zui-in hong kiko hi,” a ci uh hi.

Mattiu 16:1

Tua lai takin Farisaite leh Saddusite in, Zeisu ze-et dingin va nai uh a, “Vantung panin lim hong lak in,” ci-in a ngen uh hi.

Mattiu 19:3

Farisaite in a kiangah va nai uh a, “Thu khempeuh hangin zi a mak tuak hiam?” ci-in a ze-et nadingin a dot uh ciangin,

Mattiu 22:18

Zeisu in amaute gitlohna a theih ciangin, “Mi simtatte aw, bang hangin kei hong ze-et na hi uh hiam?

Mattiu 22:35

amau laitheipa khat in Zeisu ze-et a,

Mattiu 26:63

Zeisu pau loin a om hi. Siampi ukpa in, “Nang, Pasian’ Tapa Khazih na hi hiam, na hi kei hiam kote kiangah nong gen nadingin a nungta tawntung Pasian min tawh ka hong sawl hi,” a ci hi.

Marka 10:2

Farisaite in Zeisu kiangah va nai uh a, “Mi in a zi a mak tuak hiam?” ci-in a ze-et nadingun thu a dong uh hi.

Marka 12:15

Ka pia ding uh hiam, ka pia kei ding uh hiam?” ci-in a dong uh hi. Zeisu in amaute’ simtatna a theih ciangin, “Bang hangin kei hong ze-et na hi uh hiam? Denarias peek khat ka et dingin hong paipih un,” a ci hi.

Marka 3:2

Nipi ni-in cinatna a damsak ding hiam, damsak lo ding hiam ci-in amaute in Zeisu a mawhsak nop manun a en uh hi.

Marka 8:11

Tua lai takin Farisaite hong pusuak uh a, Zeisu tawh thu a kinial uh ciangin, ze-et nadingin vantung pan lim a ngen uh hi.

Luka 10:25

Thukham siapa khat ding-in Zeisu ze-et a, “Sia aw, tawntung nuntakna luah nadingin bang ka hih ding hiam? ci-in a dong hi.

Luka 11:16

Kimkhat in zong ze-et nuamin vantung pan lim a ngen uh hi.

Johan 8:2

Zingsang tungin biakna innpi-ah a paikik leh, mi khempeuh ama kiangah hong pai uh a, Zeisu in tua mite thu a hilh hi.

1 KORIN MASA 10:9

Tuate kimkhat in Topa a ze-et uh a, gul in a sukgawp bangin eite in Pasian ze-et loin om ni.