Johan 8:54 - Tedim Bible

⁵⁴ Zeisu in, “Keima minthan’na kong lah leh, ka minthan’na a mawkna ahi ding hi. Ka min a thangsakpa in ka Pa ahi hi. Tua Pa in, ‘Kote Pasian ahi hi,’ na cihpa uh ahi hi.

Tedim Bible Revision 2017

⁵⁴ Jesu in, “Kei le kei a kipahtawi hi leng ka kipahtawina a mawkna hi ding hi. Ahi zongin kei hong pahtawi pa pen ka Pasian uh ahi hi, na cih uh keima Pa ahi hi.

Johan 8:54 Iomraidhean Croise

Paunak 25:27

Khuaizu tamlua nek ding a hoih loh bangin, phat ding deih luatna in hoih lo hi.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Hosea 1:9

Tua ciangin Topa in, “Na tapa’ min dingin ka mi hi lo, a cih nopna Loammi phuak in; bang hang hiam cih leh no Israel mite, ka mi na hi kei uh a, keimah in note’ Pasian ka hi kei hi,” a ci hi.

Johan 17:1

Zeisu in hih thute a gen khit ciangin vantung lam ento a, “Pa aw, ahun a tung zo hi. Tapa in nang hong minthan’sak nadingin, na Tapa hong minthangsak in.

Johan 17:5

Pa aw, leitung a om ma-in nangma kiangah ka neihsa minthan’na tawh tu-in nangma kiangah kei hong minthangsak in.”

Johan 2:11

Zeisu in a masapen hih nalamdang Galile gam Kana khua-ah bawl a, ama minthan’na kilangsakin a nungzuite in zong amah a um uh hi.

Johan 5:41

Mite piak minthan’na ka sang kei hi.

Johan 7:18

Ama utthu bang a hihpa in ama minthan’na a zong hi. A hong sawlpa minthan’na a zong mi ahih leh, thuman thutak mi hi a, ama sungah diklohna a om kei hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Johan 8:41

Note in na pa uh a gamtat bangin na gamta uh hi,” a ci hi. Amaute in, “Kote in zawlta ka hi kei uh hi; Pasian kici Pa khat bek ka nei uh hi,” a ci uh hi.

Johan 8:50

Ahih hangin keimah in minthan’na ka zong kei hi. Ka minthan’ nading a zong thukhen ding khat a om hi.

Sawltak 3:13

Abraham, Isaak leh Jakob’ Pasian, i pu i pate’ Pasian in ama Sila Zeisu a min thangsak zo hi. Note in tua Topa pen gam vaihawmte tungah pia-in, Pilat in khah ding a sawm hangin ama maitang ah tua pa na nial uh hi.

2 KORIN NIHNA 10:18

Bang hang hiam na cih uh leh, amahmah a kiphat mi in san’ huai lo hi; Topa’ phatna a ngah mi in san’ ding a kilawm hi.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

1 PETER MASA 1:21

Note upna leh na lametna uh, Pasian paulamin a kip theih nadingin, Pasian in tua Topa sihna pan tho kiksakin minthan’na a pia hi.

2 PETER NIHNA 1:17

Bang hang hiam na cih uh leh, “Hihpa in ka lung hong damsak ka it ka Tapa hi,” ci-in Vanglian Bel sung pan tua Topa tungah aw khat hong tun’ ciangin, Pa Pasian kiang pan minthan’na leh liatna a ngah hi.