Johan 8:48 - Tedim Bible

⁴⁸ Judah mite in, “Nang Samaria mi na hi a, dawilawm nei na hi kong cihna uh man hilo ahi hiam?” a ci kik uh hi.

Tedim Bible Revision 2017

⁴⁸ Tua ciangin Jew mihonte in, “Nang Samaria mi hi-in, dawivei hi teh, ka hong cih uh a man mah hi lo ahi hiam?” a cih uh ciangin

Johan 8:48 Iomraidhean Croise

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Mattiu 10:25

A nungzuite in a siapa bangin, a silapa in a topa bangin ahih leh, a pha hi. Inn teekpa ‘Beelzebub’ a cih uh leh, a innkuanpihte tua sangin a ci nuam zaw sem ding uh hilo ahi hiam?”

Mattiu 10:5

Tua sawm leh nihte Zeisu in sawl a, “Gentailte omna-ah pai kei un. Samaria-te khua sungah lut kei un.

Mattiu 11:18

Bang hang hiam na cih uh leh, Johan in an ne lo, tui dawn loin hong pai a, amaute in, ‘Hih pa in dawi lawm a nei hi,’ a ci uh hi.

Mattiu 12:24

Farisaite in a zak uh ciangin, “Hih pa in Beelzebub suangin dawite a hawlkhia hi,” a ci uh hi.

Mattiu 12:31

Tua thu hangin ke’n kong cih-inah, mawhna leh Pasian gensiatna khempeuh, maisak nading thu mite in a ngah ding uh hi. Ahih hangin Kha Siangtho gensiatna kimaisak nading thu mite in ngah zo lo ding hi.

Mattiu 15:7

Isaiah in mi simtat note tungah a kituakin a gen khol hi. Isaiah a genna in:

Johan 1:19

Judah mite in, “Nang kua na hi hiam?” ci-in Johan dong dingin siampite leh Levite Jerusalem khua panin a paisak uh hi.

Johan 10:20

Amau lakah mi tampite in, “Amah dawilawm nei mihai ahi hi; ama thu bang hangin ngai na hi uh hiam?” a ci uh hi.

Johan 13:13

Note in keimah ‘Sia’ leh ‘Topa’ nong ci uh hi. Tua thu aman hi, nong cih uh bangin ka hi hi.

Johan 4:9

Samaria numei in, “Nang Judah mi na hi napi-in kei Samaria numei kiangah bang hangin tui dawn ding hong ngen na hi hiam?” a ci hi. Bang hang hiam i cih leh, Judah mite in Samaria mite tawh a kihopih thei kei uh hi.

Johan 7:20

Mihonpite in, “Nang dawilawm nei na hi hi. Nang thah dingin kua in hong zong ahi hiam?” a ci uh hi.

Johan 8:22

Tua ahih ciangin Judah mite in, ‘Ka paina mun nong tung zo kei ding uh hi,” ci ahih ciangin amahmah kithat ding hiam?” a ci uh hi.

Johan 8:52

Judah mite in, “Nang dawilawm nei na hi ci-in tu-in ka thei uh hi. Abraham akipan kamsangte a si khin zo uh hi. Nang in, ‘Mi khatpeuh in keima thu a ngaih leh, sihna a thuak kei ding hi,’ na ci hi.

ROM (Romans) 15:3

Bang hang hiam na cih uh leh, Khazih in zong ama deihna zui lo a, Lai Siangtho sungah a kigelh mah bangin, “Nang hong simmawhte a simmawhna kam in keima tungah hong tung hi,” a ci hi.

Hebru 13:13

Tua ahih ciangin eite in Topa tawh kosiatna thuakin giahbuk pualam ama kiangah nai ni.

Jeim 2:19

Pasian khat bek a om ci-in na um hi. A pha hi. Dawi gilote in zong umin, kihta-in a liing uh hi.