Johan 8:46 - Tedim Bible

⁴⁶ Ka tungah mawhna a om hi ci-in note lakah kua in hong lak ahi hiam? Keimah in thuman thutak hilh ka hih leh, bang dingin kei hong um lo na hi uh hiam?

Tedim Bible Revision 2017

⁴⁶ Note lakah kua in ka mawhna na hong lak thei uh hiam? Hong lak thei lo na hih manun thuman ka gen ciangin bang hangin hong um lo na hi uh hiam?

Johan 8:46 Iomraidhean Croise

Mattiu 21:25

Johan’ baptaizna thu in koi panin hong piang ahi hiam? Vantung pan hong piang ahi hiam? Mi tung pan hong piang ahi hiam?” ci-in a dot ciangin, “Vantung pan hong pai hi,” ci leeng, ‘Note in ama thu bang hangin um lo na hi uh hiam?” ci-in hong dong zel ding hi.

Marka 11:31

“Vantung pan hong piang hi,’ ci leeng, ‘Note in ama thu bang hangin um lo na hi uh hiam?’ ci-in hong dong zel ding hi.

Johan 14:30

Tu-a kipanin note kiangah thu tampi kong gen nawn kei ding hi. Bang hang hiam na cih uh leh, hih leitung ukpa hong pai a; ahih hangin kei tungah thu a nei kei ding hi.

Johan 15:10

Keimah in ka Pa’ thupiaknate zui a, hong itna sungah ka om mah bangin, note in ka thupiaknate na zuih uh leh, kei sungah na om ding uh hi.

Johan 16:8

A hong tun’ ciangin, mawhna, siangthona leh thukhenna leitung mite kiangah a pulak ding hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Johan 8:47

Pasian tawh a kipawlte in Pasian’ thu a ngai thei hi. Note in Pasian tawh kipawl lo na hih uh ciangin ka thu na ngai kei uh hi,” ci-in a gen hi.

Johan 8:7

Amaute in a dot sawnsawn uh ciangin ding a, “Note lakah mawh nei lo mi khat in numei suang tawh deeng masa hen,” a cih khit ciangin,

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Hebru 7:26

Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

1 PETER MASA 2:22

Amah in mawhna ahih kei hi, a kam panin zong thu zuau a kimu kei hi.