Johan 8:40 - Tedim Bible

⁴⁰ Ahih hangin ka Pa kiangah ka zak bangin note kiangah thuman thutak hong hilhpa keimah thah dingin tu-in na hong zong uh hi. Abraham in tua bangin a gamta kei hi.

Tedim Bible Revision 2017

⁴⁰ A taktakin ci lehang, ka hihna khempeuh Pasianʼ kiang panin ka zak sa thuman thu kong gen hi napi-in note in kei thah ding na hong sawm uh hi. Hih noteʼ gamtat bangin Abraham gamta lo hi.

Johan 8:40 Iomraidhean Croise

Late 37:12

Migilo in thumanpa sawm a, a ha gawisan hi;

Late 37:32

Migilo in thuman mi encik a, thah dingin zong hi.

Johan 7:1

Tua nung ciangin Zeisu Galile gam sungah a vak hi. Bang hang hiam i cih leh, Judah mite in Topa thah dingin zong uh ahih ciangin, Judah gam sungah vak ding a ut kei hi.

Johan 8:26

Note tungah gen ding leh khen ding thu tampi ka nei hi; ahih hangin kei hong sawlpa in thumanpa ahi hi. Ama kiang pan ka zak bang bekin leitung mite kiangah ka hilh hi,” a ci hi.

Johan 8:56

Na pa uh Abraham in keima ni a mu nuam hi. A mu-a a lungdam mahmah hi,” a ci hi.

ROM (Romans) 4:12

vun atna a thuak tham loin i pa Abraham in vun atna a thuak nai loh lai takin upna lam a zuite khempeuh’pa uh a suah nading ahi zongin, Abraham in vun atna a thuak nai loh lai takin upna a neih dikna-a ciamtehna ahi vun atna lim a ngah hi.

Galati 4:16

Tua ahih leh, keimah in thuman thutak note kiangah ka hong gen ciangin note’ gal suak ka hi hiam?

Galati 4:29

Ahih hangin tua lai taka ci-le-sa ngeina bangin a suak ta in Kha Siangtho vangliatna tawh a suak ta pen a bawlsiat mah bangin tu-in zong ahi hi.

Mangmuhna 12:17

Gulpi in numei tungah heh mahmah a, Pasian’ thukhamte tham loin Zeisu’ teci pan’na a len numei’ suante lak pan a om laite tawh galdo dingin a paikhia hi.

Mangmuhna 12:4

Tua gul in a mei tawh vantung aksi sehthum suah sehkhat kaikhia a, leitungah a khiat khit ciangin tasuak dinga kisa numei mai-ah ding-in ta a suah ciangin ne dingin a om hi.