Johan 8:39 - Tedim Bible

³⁹ Amaute in, “Ka pa uh Abraham ahi hi,” a ci uh hi. Zeisu in zong, “Note in Abraham’ suan na hih uh leh, Abraham gamtat bangin na gamta ding uh hi.

Tedim Bible Revision 2017

³⁹ Amaute in, “Koteʼ pa Abraham ahi hi,” ci-in a dawn uh ciangin Jesu in, “Abrahamʼ tate taktak hi le-uhcin Abrahamʼ gamtat bangin na gamta ding uh hi.

Johan 8:39 Iomraidhean Croise

Mattiu 3:9

‘Abraham ka pa uh,’ ci-in na lungsim sung uhah lungngai kei un. Ke’n kong cih-inah, Pasian in hih suangte zong Abraham’ tate a suaksak thei hi.

Mattiu 5:45

Bang hang hiam na cih uh leh, Pasian in miphate leh migilote tungah ama ni a tangsak kim hi. Misiangthote leh misiangtho lote tungah guah a zusak kim hi.

Johan 8:33

Tuate in, “Kote in Abraham’ suante ka hi uh hi. Cikmah hunin mi’ sila-in ka om ngei kei uh hi. Note hong suaktasak ding hi, bang hangin ci na hi hiam?” ci-in a dong kik uh hi.

Johan 8:37

Note in Abraham’ suante na hih uh ka thei hi. Ahih hangin, ka thuhilhna in note sungah om nading ngah lo ahih ciangin note in thah dingin kei nong zong uh hi.

Johan 8:43

Bang hangin ka thu thei lo na hi uh hiam? Ka thuhilhna ngai nuam lo na hih uh ciangin, ka thu na thei kei uh hi.

Johan 8:56

Na pa uh Abraham in keima ni a mu nuam hi. A mu-a a lungdam mahmah hi,” a ci hi.

ROM (Romans) 4:12

vun atna a thuak tham loin i pa Abraham in vun atna a thuak nai loh lai takin upna lam a zuite khempeuh’pa uh a suah nading ahi zongin, Abraham in vun atna a thuak nai loh lai takin upna a neih dikna-a ciamtehna ahi vun atna lim a ngah hi.

ROM (Romans) 4:16

Tua ahih ciangin kiciamna in Thukham tawh kipawlte tham loin, Abraham’ upna tawh kipawlte zong Abraham’ suan-le-khakte khempeuh tungah a kip nadingin hehpihna tawh kibangin a pian’ nadingin upna hangin kiciamna a ngah uh hi.

ROM (Romans) 9:7

Tua mah bangin Abraham’ suan khempeuh in Abraham’ tate taktak ahi kei hi, “Isaak bekah na suan a kici ding hi,” ci-in Pasian in Abraham kiangah a gen hi.

Galati 3:29

Note in Khazih aa na hi uh leh, Abraham suan leh khakte na hi uh a, thuciamna bangin innluah mi na hi uh hi.

Galati 3:7

Tua ahih ciangin upna a nei mite in Abraham’ suante taktak ahi uh na thei un.