Johan 8:36 - Tedim Bible

³⁶ Tua ahih ciangin, Tapa in note hong suahtaksak leh suaktate taktak na hi ding uh hi.

Tedim Bible Revision 2017

³⁶ Tua ahih manin Tapa in note hong khah le a suakta takpi na hi uh hi.

Johan 8:36 Iomraidhean Croise

Late 119:133

Nong ciamsa bangin ka puk nading panin hong kem in la, kei’ tungah siatna gualzosak kei in.

Late 119:32

Keima theihna nong zaisak ciangin nangma thupiaknate lawpna tawh ka zui ding hi.

Late 19:13

Mawh kaltangnate panin zong na nasempa hong kem in la, tuate keima tungah hong uk sak kei in! Tua ciangin kawk ka baang kei ding a, mawhna lian panin ka siang ding hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Luka 4:18

“Topa’ Kha Siangtho in keima tungah a om hi. Bang hang hiam i cih leh, mizawngte kiangah Lungdamna Thu zasak dingin hong sawl zo hi. A kiman a kikhum mite a kikhah nading ahi zongin, Mittawte in khua a muh kik theih nading ahi zongin, Bawlsiatna a thuak mite khah nading ahi zongin,

ROM (Romans) 8:2

Bang hang hiam na cih uh leh, Khazih Zeisu hanga a om nuntakna’ Kha tawh kipawl thukham in mawhna leh sihna’ thukham sung pan kei hong honkhia zo hi.

1 KORIN MASA 7:22

Bang hang hiam cih leh, sila ahihna-ah Topa’ sapna a ngah mi in Topa-ah suakta mi ahi hi. Tua mah bangin to neih lohna pan sapna a ngah mi in Khazih’ sila ahi hi.

2 KORIN NIHNA 3:17

‘Topa’ a cih ciangin Kha Siangtho a cihnopna hi. Topa’ Kha Siangtho’ omna-ah suahtak nopsakna a om hi.

Galati 5:1

Khazih in eite suahtakna thu i ngah nadingin hong suaktasak hi. Tua ahih ciangin kipin om un la, sila suahna hakkol pua-in, kikhihna zangkik nawn kei un.