Johan 8:33 - Tedim Bible

³³ Tuate in, “Kote in Abraham’ suante ka hi uh hi. Cikmah hunin mi’ sila-in ka om ngei kei uh hi. Note hong suaktasak ding hi, bang hangin ci na hi hiam?” ci-in a dong kik uh hi.

Tedim Bible Revision 2017

³³ amaute in, “Kote Abrahamʼ suanlekhakte ka hi uh a, cikmahin kuama salin ka omngei kei uh hi. Tua ahih manin bang hangin, ‘Note suakta ding,’ hong cithei na hi hiam?” a ci uh hi.

Johan 8:33 Iomraidhean Croise

Piancilna 15:13

Tua ciangin Topa in Abram kiangah, “Na suan-le-khakte amau’ leitang ahi lo munah tawl khat omin, tua lai-ah amaute sila hi ding uh a, amaute kum zali sung kinengniam ding a hihna thu a kitel theihna thei in;

Ezra 9:9

Kote in sal ka hi takpi uh hi; ahi zongin ka salsuahna uhah ka Pasian un hong nusia lo a, kote’ Pasian’ inn puahkikin ka din’sakkik theih nading uh leh Judah leh Jerusalem ah kidalna kulh ka neih theih nadingun kipat thakna a hong piak theih nadingin Persia kumpite ko tungah a thunuam dingin hong bawlsak hi.

Siampi Laibu 25:42

Bang hang hiam cih leh amaute in Izipt gam panin ka paikhiatpih keima nasemte ahi uh hi; a amaute sila-in kizuak lo ding hi.

Mattiu 3:9

‘Abraham ka pa uh,’ ci-in na lungsim sung uhah lungngai kei un. Ke’n kong cih-inah, Pasian in hih suangte zong Abraham’ tate a suaksak thei hi.

Luka 3:8

Tua ahih ciangin kisikkikna tawh kilawm gah na gah un. ‘Abraham ka pa uh hi,’ ci-in na lungsim sung uh ah lungngaih ding na kipan kei un. Ke’n kong cih-inah, Pasian in hih suangte nangawn zong Abraham’ tate a suaksak thei hi.

Johan 19:25

Zeisu’ singlamteh kiangah a nu leh a nu’ sanggamnu, Klopas’ zi Mari leh Magdala khua Mari-te a ding uh hi.

Johan 8:37

Note in Abraham’ suante na hih uh ka thei hi. Ahih hangin, ka thuhilhna in note sungah om nading ngah lo ahih ciangin note in thah dingin kei nong zong uh hi.

Johan 8:39

Amaute in, “Ka pa uh Abraham ahi hi,” a ci uh hi. Zeisu in zong, “Note in Abraham’ suan na hih uh leh, Abraham gamtat bangin na gamta ding uh hi.

Johan 8:43

Bang hangin ka thu thei lo na hi uh hiam? Ka thuhilhna ngai nuam lo na hih uh ciangin, ka thu na thei kei uh hi.

ROM (Romans) 9:7

Tua mah bangin Abraham’ suan khempeuh in Abraham’ tate taktak ahi kei hi, “Isaak bekah na suan a kici ding hi,” ci-in Pasian in Abraham kiangah a gen hi.

Thukhente 2:18

Topa in amaute adingin thukhente a khan’sak peuhpeuh ciangin thukhente tawh Topa om a, thukhente nuntak sung tawntung a galte uh khut sung panin amaute hon hi; bang hang hiam cih leh a gimsak a nengniamte’ hangin amau’ tauna in Topa’ hehpih nading piangsak hi.

Thukhente 3:8

Tua ahih ciangin Israelte tungah Topa’ hehna so a, amah in Mesopotamia kumpipa Kushan-rish-athaim tungah amaute zuak hi; Israel mite in Kushan-rish-athaim’ na kum giat sem uh hi.

Thukhente 4:3

Tua ciangin Israel mite huhna ngen dingin, Topa tungah kiko uh hi; bang hang hiam cih leh amah in sik leeng zakua nei a, Israel mite kum sawmnih sung nakpi takin nengniam hi.