Johan 8:32 - Tedim Bible

³² Thuman taktak zong na thei ding uh a, tua thuman thutak in note hong suaktasak ding hi,” ci-in a gen hi.

Tedim Bible Revision 2017

³² Tua ciangin thuman na thei ding uh a, tua thuman in note hong suaktasak ding hi,” a cih leh

Johan 8:32 Iomraidhean Croise

Late 119:45

nangma thuhilhnate zuih ding hanciam ka hih manin, nuam takin ka nungta ding hi.

Late 25:5

Na thuman sungah kei hong paipih in la hong hilh in, bang hang hiam cih leh nangmah in ka kihotkhiatna Pasian na hi hi; sunthapai-in nang kong ngak hi.

Paunak 1:23

Kong thuhilhna hong ngai un, ka ngaihsutna kong gen ding a, ka theihna kong zasak ding hi.

Paunak 1:29

Note in pilna deih loin, Topa na zahtak nuam kei uh a,

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Isaiah 2:3

mi tampite hong pai-in: “Hong pai un, amah in ama zia-le-tongte eite hong hilh theih nading leh ama lampite i zuih theih nadingin Jakob’ Pasian’ inn, Topa’ mual-ah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.

Isaiah 30:21

Taklam na kihei ciang uh hita leh veilam na kihei ciang uh hita leh, “Hih pen lampi hi, hih tawn un,” cihna aw, na nung lam panun na bil un a za ding hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

Isaiah 54:13

Topa in na tapate khempeuh hilh ding a, na tapate daupai mahmah ding hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Siampi Laibu 25:41

tua ciangin nang kiang panin amah leh amah tawh a om a tate paikhia-in, ama innkuan zuan kikin, a pate’ neihsa ngah kik ding hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Mattiu 11:29

Keima hakkol na kisuan un la, kei kiangah kisin ta un. Bang hang hiam na cih uh leh, keimah in lungsim niam mi ka hi hi. Note in lungsim noptuamna zong na ngah ding uh hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 1:17

Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 16:13

Ahih hangin thuman thutak Kha Siangtho hong tun’ ciangin, thuman thutak a vekpi-in note hong hilh ding hi. Bang hang hiam na cih uh leh, ama ut bang hong gen ahi kei hi, a zaksa thu khempeuh hong gen ding hi. Anung ciangin hong piang ding thu khempeuh zong hong hilh ding hi.

Johan 17:17

Thuman thutak tawh amaute na siangthosakin. Nangma thu in thuman thutak ahi hi.

Johan 6:45

‘Pasian in tuate a hilh ding hi,’ ci-in Pasian’ kamsangte’ lai sungah a kigelh hi. Pa kiangah thu ngai a, a kisin mite khempeuh keima kiangah hong pai uh hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Johan 8:36

Tua ahih ciangin, Tapa in note hong suahtaksak leh suaktate taktak na hi ding uh hi.

ROM (Romans) 6:22

Tu-in mawhna’ khut sung pan na suakta uh a, Pasian’ sila suak khin na hih ciangun siangtho nadingin phattuamna na ngah uh a, a tawpna-ah nuntak tawntungna na ngah ding uh hi.

ROM (Romans) 8:15

Note in kihtak kikkik nading sila’ lungsim na ngah kei uh hi. “Abba, Pa aw,” i cih mah bangin ta suahna lungsim na ngah uh hi.

ROM (Romans) 8:2

Bang hang hiam na cih uh leh, Khazih Zeisu hanga a om nuntakna’ Kha tawh kipawl thukham in mawhna leh sihna’ thukham sung pan kei hong honkhia zo hi.

1 KORIN MASA 7:22

Bang hang hiam cih leh, sila ahihna-ah Topa’ sapna a ngah mi in Topa-ah suakta mi ahi hi. Tua mah bangin to neih lohna pan sapna a ngah mi in Khazih’ sila ahi hi.

Galati 5:1

Khazih in eite suahtakna thu i ngah nadingin hong suaktasak hi. Tua ahih ciangin kipin om un la, sila suahna hakkol pua-in, kikhihna zangkik nawn kei un.

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

2 TIMOTI NIHNA 3:7

a kihilh niloh hangin cikmah hunin thuman thutak a thei thei lo numei haite’ thuzawh mite a om uh hi.

Jeim 1:25

Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.

Jeim 2:12

Suahtakna thu mah zui-in thukhenna a thuak ding mi bangin thu genin gamta un.

1 PETER MASA 2:16

To neilo na hih uh hangin to nei lo na hihna uh tawh gitlohna a seel mite bangin na gamta kei un; Pasian’ sila bangin na gamta un.

2 JOHAN NIHNA 1:1

Upa in, eite sungah kipin eite tawh a omkhawm tawntung ding, thuman thutak hangin, kei-a kipan thuman thutak a thei mi khempeuh in a kiteel Tonu leh a tate ka hong it uh hi cih thu a zasak hi.