Johan 8:28 - Tedim Bible

²⁸ Tua ahih ciangin Zeisu in, “Note in Mihing Tapa na khaitoh khit uh ciangin, tua pa ka hih leh ka deih bang hih loin ka Pa in hong sinsak bangin hih thu ka gen hi cih note’n na thei ding uh hi.

Tedim Bible Revision 2017

²⁸ Tua ahih manin Jesu in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin keiʼ thu bek tawh bangmah hih loin, ka Paʼ hong hilh sa teng bek a gen ka hihna thu na thei ding uh hi.

Johan 8:28 Iomraidhean Croise

Paikhiatna 3:14

Pasian in Moses’ kiangah, “KEIMAH ka hi hi,” ci hi. Tua ciangin amah in, “Israel mihingte' tungah hih thu gen in, ‘KEIMAH a kici pa in note' kiangah kei hong sawl hi,’ ci in,” ci hi.

Mattiu 24:5

Bang hang hiam na cih uh leh, mi tampi in, ‘Kei Khazih ka hi hi,’ ci-in keima min tawh hong pai-in mi tampi a khem ding uh hi.

Marka 13:6

Mi tampi in, ‘Kei tua pa ka hi hi,’ ci-in keima min tawh hong pai-in mi tampi a kheem ding uh hi.

Luka 21:8

Zeisu in, “Note kuamah in hong kheem zawh loh nadingin na kikem un. Bang hang hiam na cih uh leh, mi tampite in, ‘Kei tua pa ka hi hi. A hun hong tung dektak hi,’ ci-in keima min tawh hong pai ding uh hi.

Johan 11:42

Nang in keima thu nong ngai niloh cih ke’n ka thei hi. Ahih hangin kei na hong sawl ka hih hong um mihonpite in a up nadingun, amau ading tua thu ka gen hi,” a ci hi.

Johan 13:19

Hih thute hong tun’ ciangin tua pa ka hih lam na theih nadingun, hong tun’ ma-in no kiangah kong genkhol hi.

Johan 16:10

Pa kiangah kei ciah ding a, note in kei hong mu nawn lo ding na hih uh ciangin, sian’thona a pulak ding hi.

Johan 18:32

Tua bang a cihna in, Zeisu in bangci a sih ding ci-in lim lak a, a genkholh mah bangin a tun’ nading ahi hi.

Johan 19:18

Tua san takah amaute in Zeisu singlamteh tungah a khai uh hi. Amah tawh a lang tuakah mi nih zong a khai uh hi. Zeisu a lai zangah a om hi.

Johan 3:11

Ke’n aman takpi kong cih-inah, kote in ka theih uh thu ka gen uh hi. Ka muhte uh teci ka pang uh hi. Ahih hangin kote’ teci pan’na na mang kei uh hi.

Johan 3:14

“Moses in gamlakah gul a khai bangin Mihing Tapa a kikhai ding hi.

Johan 4:26

Zeisu in, “Nang tawh a kiho keimah in Messiah ka hi hi,” a ci hi.

Johan 5:19

Tua ahih ciangin Zeisu in, “Ke’n aman takpi kong cih-inah, Tapa in ama deih bangin a hih thei kei hi. Pa’ hihna a muh bangin a bawl thei hi. Pa in a bawl mah bangin Ta in zong a bawl hi.

Johan 5:30

“Keimah in ka ut bangin ka hih thei kei hi. Ka zak bangin thu ka khen hi. Ka thukhenna in thu taktak ahi hi. Bang hang hiam na cih uh leh, keima deihna bang hi loin, kei hong sawlpa’ deihna bangin ka hih hi.

Johan 6:38

Bang hang hiam na cih uh leh, keima deih bangin gamta dingin vantung pan hong kumsuk ka hi kei hi; kei hong sawlpa’ deihna bang gamta dingin hong kumsuk ka hi hi.

Johan 8:24

Tua ahih ciangin, nomau mawhna sungah na si ding uh hi kong ci hi. Bang hang hiam na cih uh leh, keimah in tua pa ka hih lam na up kei uh leh, nomau mawhna sungah na si ding uh hi,” a ci hi.

Johan 8:27

Amah in Pa thu a gen ahih lam a thei kei uh hi.

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

Sawltak 4:4

Ahih hangin thuhilhna a za mi tampite in um uh a, pasal teng tulnga bang a pha uh hi.

ROM (Romans) 1:4

Rom khua sungah a om misiangtho kikoih Pasian a it khempeuhte kiangah thu kong zasak hi. Tua Topa Zeisu Khazih leh i Pa Pasian’ hehpihna thupha leh nopna in nomau tungah om ta hen. Tua Topa Zeisu’ min hangin mipawl khempeuh in a up nadingin ama kiangah hehpihna thupha leh sawltak-za ka ngah hi. Zeisu Khazih’ mi suah nading hong sapsa note in zong tua mite lakah na om uh hi.

Thu-hilhkikna 18:18

Amau’ sanggamte lak panin nang tawh a kibang kamsang khat amaute adingin ka khangsak ding hi; ama kam sungah ka thute ka guan’ ding a, amah ka thupiak khempeuh amah in amaute tungah gen ding hi.