Johan 8:26 - Tedim Bible

²⁶ Note tungah gen ding leh khen ding thu tampi ka nei hi; ahih hangin kei hong sawlpa in thumanpa ahi hi. Ama kiang pan ka zak bang bekin leitung mite kiangah ka hilh hi,” a ci hi.

Tedim Bible Revision 2017

²⁶ Noteʼ thu genin, noteʼ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zak sa thute bek leitung mite tungah a pulak ka hi hi,” ci-in a dawng hi.

Johan 8:26 Iomraidhean Croise

Johan 15:15

Tu-a kipanin note sila kong ci nawn kei ding hi. Bang hang hiam na cih uh leh, silate in a topa bawlna thu a thei kei uh hi. Lawmte kong ci ding hi. Bang hang hiam na cih uh leh, ka Pa kiangah thu ka zakte no kong theisak zo hi.

Johan 16:12

“Note kiangah gen ding thu tampi a om hangin tu-in na sang zo kei ding uh hi.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Johan 18:20

Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.

Johan 3:11

Ke’n aman takpi kong cih-inah, kote in ka theih uh thu ka gen uh hi. Ka muhte uh teci ka pang uh hi. Ahih hangin kote’ teci pan’na na mang kei uh hi.

Johan 7:16

Tua ciangin Zeisu in, “Ka thuhilhna in keima thu ahi kei hi; kei hong sawlpa’ thu ahi hi.

Johan 7:28

Tua ahih ciangin Zeisu in, “Note in kei nong thei uh hi. Ka pian’na lah nong thei uh hi. Ahih hangin keima ut bangin hong pai ka hi kei hi. Kei hong sawlpa in thuman thutak tawh a dim hi. Tua pa na thei kei uh hi.

Johan 8:25

Tua ahih ciangin amaute in, “Nang kua na hi hiam?” ci-in a dot uh ciangin Zeisu in, “Keimah in a cil pek panin note kiangah kong gen bangin ka hi hi,

Johan 8:27

Amah in Pa thu a gen ahih lam a thei kei uh hi.

Johan 8:40

Ahih hangin ka Pa kiangah ka zak bangin note kiangah thuman thutak hong hilhpa keimah thah dingin tu-in na hong zong uh hi. Abraham in tua bangin a gamta kei hi.

2 KORIN NIHNA 1:18

Pasian in dikna tawh a dim bangin note kiangah ka kam in, “Ahi hi,” ci ding ahi zongin, “Ahi kei hi,” ci ding ahi zongin ahi kei hi.