Johan 8:24 - Tedim Bible

²⁴ Tua ahih ciangin, nomau mawhna sungah na si ding uh hi kong ci hi. Bang hang hiam na cih uh leh, keimah in tua pa ka hih lam na up kei uh leh, nomau mawhna sungah na si ding uh hi,” a ci hi.

Tedim Bible Revision 2017

²⁴ Kei pen, ‘Kei ka hih lam na hong up kei uh leh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

Johan 8:24 Iomraidhean Croise

Paikhiatna 3:14

Pasian in Moses’ kiangah, “KEIMAH ka hi hi,” ci hi. Tua ciangin amah in, “Israel mihingte' tungah hih thu gen in, ‘KEIMAH a kici pa in note' kiangah kei hong sawl hi,’ ci in,” ci hi.

Paunak 8:36

Ahi zongin kei hong mu lopa in amahmah a kisusia hi a, kei hong mudah peuhmah, a si nuam ahi hi,” hong ci hi.

Mattiu 24:5

Bang hang hiam na cih uh leh, mi tampi in, ‘Kei Khazih ka hi hi,’ ci-in keima min tawh hong pai-in mi tampi a khem ding uh hi.

Marka 13:6

Mi tampi in, ‘Kei tua pa ka hi hi,’ ci-in keima min tawh hong pai-in mi tampi a kheem ding uh hi.

Marka 16:16

Thu um a, a kibaptaizte in gupna a ngah ding uh hi. A um lote in mawhna thutan’na a thuak ding uh hi.

Luka 21:8

Zeisu in, “Note kuamah in hong kheem zawh loh nadingin na kikem un. Bang hang hiam na cih uh leh, mi tampite in, ‘Kei tua pa ka hi hi. A hun hong tung dektak hi,’ ci-in keima min tawh hong pai ding uh hi.

Johan 13:19

Hih thute hong tun’ ciangin tua pa ka hih lam na theih nadingun, hong tun’ ma-in no kiangah kong genkhol hi.

Johan 3:18

Amah a um mi in thukhenna a thuak kei hi. Amah a um lo mi ahih leh, tu-in thukhenna a thuak zo hi. Bang hang hiam i cih leh, amah in Pasian’ Tapa khat bek min a um kei hi.

Johan 3:36

Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

Johan 4:26

Zeisu in, “Nang tawh a kiho keimah in Messiah ka hi hi,” a ci hi.

Johan 8:21

Tua ahih ciangin khatvei Zeisu in, “Kei ka ciah ding hi. Note in nong zon’ uh hangin nomau mawhna sungah na si ding uh hi. Ka paina mun nong tung zo kei ding uh hi,” a ci hi.

Johan 8:25

Tua ahih ciangin amaute in, “Nang kua na hi hiam?” ci-in a dot uh ciangin Zeisu in, “Keimah in a cil pek panin note kiangah kong gen bangin ka hi hi,

Johan 8:28

Tua ahih ciangin Zeisu in, “Note in Mihing Tapa na khaitoh khit uh ciangin, tua pa ka hih leh ka deih bang hih loin ka Pa in hong sinsak bangin hih thu ka gen hi cih note’n na thei ding uh hi.

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

Sawltak 4:12

Tua mi simloh midang tungah gupna thu a om kei hi. Bang hang hiam na cih uh leh, ama min simloh eite’ gupna ngah nadingin hong kipia mindang khat beek van nuai mite lakah a om kei hi,” ci-in a gen hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.