Johan 8:21 - Tedim Bible

²¹ Tua ahih ciangin khatvei Zeisu in, “Kei ka ciah ding hi. Note in nong zon’ uh hangin nomau mawhna sungah na si ding uh hi. Ka paina mun nong tung zo kei ding uh hi,” a ci hi.

Tedim Bible Revision 2017

²¹ Tua ciangin Jesu in amaute kiangah, “Kei ka paikhia ding hi. Note in kei na hong zong ding uh a, ahi zongin na mawhna uh na sihpih ding uh hi. Ka paina ah note na hong pai thei kei ding uh hi,” a ci hi.

Johan 8:21 Iomraidhean Croise

1 KUMPI MASATE 18:10

Topa na Pasian in a nungta ahih mah bangin nangmah zong dingin ka topa in a sawl lohna minam ahi a, kumpi gam ahi zongin om lo hi; amaute in, ‘Hih lai-ah amah om lo hi,’ a cih uh ciangin, amaute in nang hong muh lohna thu amah in kumpi gam ahi a, minam ahi zongin kiciamsak hi.

JOB (Job) 20:11

A pumpi moisuahin a thahat hangin, a sawt loin leivui suak pak ding hi.

Paunak 11:7

Migilote a sih ciangin a lametna teng tawh beikhawm a, hauhna suan’na in a mawkna suak hi.

Paunak 14:32

Migilopa, ama tatsiatna in puksak a, mihoihpa, ama hoihtatna in hu hi.

Isaiah 65:20

Naupangte a ngeek sih om lo ding a,, puteek khat in sauveipi nungta ding hi. Kumza bek a nungtate a khan’ sihin kingaihsun ding a,, kumza cing loin a site, hamsiatna ngahin kiciamteh ding hi.

Mattiu 23:39

Ke’n kong cih-inah, ‘Pasian min tawh hong paipa in thupha ngah ta hen,’ na cih matengun, tu-a kipan kei nong mu kei ding uh hi,” a ci hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

Johan 12:33

Tua bang a cih ciangin ama sihna ding lim a genna ahi hi.

Johan 12:35

Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

Johan 13:33

Ka tanote aw, keimah in note tawh tawlkhat bek ka omkhawm ding hi. Note in kei nong zong ding uh hi. ‘Ka paina munah nong tung zo kei ding uh hi,’ ci-in Judah mite kiangah ka cih mah bangin, tu-in note kiangah kong ci hi.

Johan 7:34

Nong zon’ uh hangin nong mu kei ding uh hi. Ka omna mun nong tung zo kei ding uh hi,” a ci hi.

Johan 7:36

‘Nong zon’ uh hangin nong mu kei ding uh hi,’ leh, ‘Ka omna mun na tung zo kei ding uh hi,’ a cihna in bang a cihnopna ahi hiam?” ci-in khat leh khat a kikum uh hi.

Johan 8:24

Tua ahih ciangin, nomau mawhna sungah na si ding uh hi kong ci hi. Bang hang hiam na cih uh leh, keimah in tua pa ka hih lam na up kei uh leh, nomau mawhna sungah na si ding uh hi,” a ci hi.

Efesa 2:1

Note in nidang lai-inah leitung thu na zui uh a, van lama vangliatna a uk topa ahi nialna’ tate tungah tu-in zong na a sem kha’ deihna bangin, na mawhnate uh, na gitlohnate uh sungah si-in na om lai takun Pasian in note hong nungta sak hi.