Johan 8:15 - Tedim Bible

¹⁵ Note in si leh sa khen bangin thu na khen uh a; kei in kuamah thu ka khen kei hi.

Tedim Bible Revision 2017

¹⁵ Thu a thei lopi-in kei na hong mawhsak uh hi; ahi zongin keʼn kuamah ka mawhsak kei hi.

Johan 8:15 Iomraidhean Croise

Amos 5:7

Thutang lumletin thuman mite lei a den’na, note’ adingin bangzahin nasia ding ahi hiam?

Amos 6:12

Sakolte, suangken tungah tai thei ngei a, bawngtalte tawh tuipi tung kikho thei ngei ahi hiam? Tua hi napi-in note in, thutang pen, gu na suaksak uh a, thuman zong, a khial na suaksak uh hi.

Habakkuk 1:4

Thukham in thu nei zo loin a mawkna suak a, thu a manin kisem ngei lo hi. Thutang thute kileh hei-in, migilote in thuman mite zo zawsop hi.

Luka 12:14

Zeisu in, “Mipa aw, nomau thukhen ding ahi zongin, sum hawmsak ding ahi zongin kua in kei hong koih hiam?” a ci hi.

Johan 12:47

Ka thu za a, a zui lo mi ke’n thu ka khen kei ding hi. Bang hang hiam na cih uh leh, leitung mite thu khen dingin hong pai ka hi kei hi. Leitung mite gum dingin hong pai ka hi hi.

Johan 18:36

Zeisu in, “Keima gam in leitung gam ahi kei hi. Keima gam in leitung gam hi leh, Judah mite khut sung ka tun’ loh nading ka mite in a do ding uh hi. Tu-in, ka gam in hih lai takah a om kei hi,” a ci hi.

Johan 3:17

Bang hang hiam i cih leh, leitung mite’ thukhen dingin Pasian in a Tapa leitungah hong paisak kei hi. Leitung mite in amah hangin gupna a ngah nadingun a hong paisak hi.

Johan 7:24

Maitang zahtakna tawh thu na khen kei un; aman takin thu na khen un,” a ci hi.

Johan 8:11

Numei in, “Kuamah in hong khen lo hi, Topa aw,” a ci hi. Zeisu in, “Ke’n zong kong khen kei ding hi. Pai in la, a nung ciangin na mawh nawn kei in,” a ci hi.

ROM (Romans) 2:1

Tua ahih ciangin midangte thukhenpa aw, na kisuahtak thei kei ding hi. Bang hang hiam na cih leh, midangte tungah thu na khen bangin nangmah in na hih ahih ciangin midangte thu na khenna in nangma mawhna om hi cih thukhen na suak hi.

1 KORIN MASA 2:15

Kha Siangtho a nei mi in na khempeuh khen thei a, amah ahih leh kuamah in a khen thei kei hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

1 SAMUEL MASA 16:7

Ahih hangin Topa in Samuel kiangah, “A tungtham hita leh a tun’ san’na hita leh en kei in; bang hang hiam cih leh amah ka nolh hi; bang hang hiam cih leh Topa in mihingte’ muh bangin mu lo hi; mihingte in a pua lama kilangte en a, ahih hangin Topa in a lungsim en hi,” a ci hi.