Johan 8:12 - Tedim Bible

¹² Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Tedim Bible Revision 2017

¹² Tua khit ciangin Jesu in mihonte kiangah a thugenna khat ah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Johan 8:12 Iomraidhean Croise

JOB (Job) 33:28

Misite’ gam ka tun’ nading panin amah in kei hong kem a, tu-in kei ka nungta lai hi,’ ci ding hi.

Late 18:28

Hi hi, nangmah in keima mei na vaak a, Topa ka Pasian in ka khuamial na vaaksak hi.

Late 49:19

khuavak mu ngei nawn lo dingin a sisa a pu a pate kiang mah-ah amah pai veve ding hi.

Late 97:11

Thuman mite’ tungah khuavak hong taang a, lungsim thutang mite’ tungah lungdamna hong tung hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.

Isaiah 9:2

Khuamial sunga a pai mite in khuavak lianpi mu khin ta hi; sihna lim thukna gam sunga a teeng mite tungah khuavak taang khin zo hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Mattiu 5:14

Note in leitung khuavak na hi uh hi. Mual dawnah a om khua kiliah zo lo hi.

Luka 2:32

Ka mitin ka mu zo hi,” a ci hi.

Johan 12:35

Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

Johan 12:36

“Khuavak in note tawh a omkhawm lai takin khuavak’ tate na suah nadingun khuavak na um un,” ci-in a gen hi. Tua thu teng Zeisu in a gen khit ciangin, paikhia-in a bu hi.

Johan 12:46

Kei hong um mi in khuamial lakah a om loh nadingin kei khuavakin leitungah kong pai hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 3:19

Thukhenna thu in leitungah khuavakin hong tunga; mite in khuavak sangin khuamial a deihzaw uh hi. Bang hang hiam i cih leh, amaute’ gamtatna man lo ahih hang hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Johan 9:5

Leitungah ka om lai tengin leitung’ khuavak ka hi hi,” a ci hi.

Sawltak 13:47

Bang hang hiam na cih uh leh, Pasian’ thupiakna in: ‘Leimong dongin gupna na pian’sak nadingin, Gentailte’ khuavak dingin ka hong koih zo hi,’ a ci hi,” ci-in lau loin a gen uh hi.

Sawltak 26:23

Khazih in sihna thuak ding a, sihna pan a thokik masabel ahih ciangin, Judah mipawl leh Gentailte kiangah khuavakna thu a piang ding hi ci-in Moses akipan Pasian’ kamsangte’ thugenna mah kei in behlap loin milian, mineute kiangah teci-in ka pang hi,” a ci hi.

2 PETER NIHNA 2:17

Tua mite in tui om lo-a a kang cikte ahi zongin, huih nakpi-in nunga a leeng meiite ahi uh hi. Amaute ading a mial pha mahmah khuamial a kikoih khol zo hi.

2 PETER NIHNA 2:4

Bang hang hiam na cih uh leh, Pasian in a khial vantungmite pammaih sa loin, hel khua sungah a khiat khit ciangin thukhen Ni dongin khuamial khuk sungah a khum hi.

1 JOHAN MASA 1:6

“Eite in Pasian tawh i kiho thei hi,” i ci napi-in khuamial lakah i gamtat leh, thuman thutak zui loin zuauthu a zang mi i hi hi.

Juda 1:13

amau zumna thu a phuansak tui kilok gilo bang ahi zongin, khuamial pha mahmah a tawntungin amaute ading a kikoih khol a, a om aksi leeng bang ahi zongin a suak uh hi.

Juda 1:6

Amau thu ngahna uh kem lo uh a, amau omna uh pan a paikhia vantungmite zong ni lian Ni-a thukhenna dongin khuamial sungah a tawntungin hencipin a khum hi.

Mangmuhna 21:24

Mipawl pawl khempeuh in tua khuavak tawh lam pai-in leitung kumpite in tua khuapi sungah amaute vangliatna pua-in a tung uh hi.