Johan 7:51 - Tedim Bible

⁵¹ “Eite Thukhamna in mi thu za a, a gamtatna thu a theih ma-in a thu khen thei hiam?” a ci hi.

Tedim Bible Revision 2017

⁵¹ amah in, “Mi khat peuhmah a thu dongin ama gamtatnate i theih masak mateng mawhsakna thu i khen ding pen i Thukham tawh kituak lo hi,” a ci hi.

Johan 7:51 Iomraidhean Croise

Paikhiatna 23:1

“Thu manlo na gen khia kei ding uh hi. Elna tawh teci pang dingin mi gilopa tawh na kipawl kei ding uh hi.

Paunak 18:13

A thu zakhin nai lopi-a dawn’kikna in, haina leh maizumhuaina ahi hi.

Gamlak-vakna 35:30

Khatpeuh in mi khat a thah leh, tecite’ genna siksanin mi thatpa kithat ding hi; ahih hangin teci khat bek’ teci pan’na siksanin kuamah kithat lo ding hi.

Sawltak 23:3

Tua ciangin Paul in, “Leikang tawh kizut suangcian’ aw, Pasian in nang hong sat ding hi. Nang in Thukham tawh kei tungah thukhen dingin na tu napi-in, Thukham tawh kibang loin hong sat ding thu na pia hiam?” a ci hi.

Thu-hilhkikna 1:17

Thukhenna ah angvan na nei kei ding uh hi; a neu leh a liante a kibangin na ngai ding uh hi; mihing maitang na zahtak kei ding uh hi; bang hang hiam cih leh thukhenna in Pasian’ aa ahi hi; note adingin a haksa lua thute kei kiangah nong paipih ding uh a, keimah in tua thu ka za ding hi,’ ka ci hi.

Thu-hilhkikna 17:6

Teci nih ahih kei leh thum bang genna tawh a si dingpa kithat ding hi; teci khat bek thu genna tawh mi kithat lo ding hi.