Johan 7:42 - Tedim Bible

⁴² Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Tedim Bible Revision 2017

⁴² Khris i cih pen Davidʼ suan hi dinga, Davidʼ suahna Bethlehem khua ah suak ding hi, ci-in Lai Siangtho sungah kigelh hi lo ahi hiam?” a ci uh hi.

Johan 7:42 Iomraidhean Croise

1 KHANG TANGTHU MASATE 2:51

Bethlehem khuapi a sat Salma, leh Bethgader khuapi a sat Haref ahi uh hi.

Late 132:11

Topa in a pelh loh ding kiciamna taktak khat David tungah a ciam a, “Nang sung pan-a na tate khat na kumpi tokhom tungah ka koih ding hi.

Late 89:4

Na suan na khakte kumpi-in ka kipsak suak ding a, na kumpi gam, khang tawntungin ka kipsak ding hi,” na ci khin hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Jeremiah 23:5

“En un, Topa in kong cih-inah, keimah in David’ suan lak panin kumpi dingin a diktat Hiang khat ka khan’ khiatsak ni hong tung ding hi. Amah gam uk siam ding a, gam sungah thuman thutang tawh thu hong khen ding hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Mattiu 1:1

Abraham’ suan, David’ suan, Zeisu Khazih’ khang ciamtehna lai inah:

Mattiu 2:5

Amaute in, “Pasian’ kamsangpa khat in:

Mattiu 2:6

‘Judah gam Bethlehem khua aw, Judah gam khuapi lakah nang, khua neu, khua gina lo na hi kei hi. Bang hang hiam na cih leh, keima mipawl Israel mite cing dingin, Nangma sungah mangpa khat a piang ding hi, ci-in Lai Siangtho sungah a kigelh mah bangin Judah gam Bethlehem khua-ah Khazih a suak ding hi,” ci-in kumpipa kiangah a gen uh hi.

Luka 2:11

Tuni-in, David’ khua-ah Topa Khazih ahi hong Gumpa in note adingin a suak zo hi.

Luka 2:4

Josef in zong David’ suan ahih ciangin, a kidongsa a lawmnu Mari tawh kisim dingin, Galile gam Nazareth khua panin Judah gam Bethlehem kici David’ khua-ah a pai uh hi.

Johan 7:27

Ahih hangin hihpa koipan hong pai cih i thei hi. Khazih hong pai ciangin ama pian’na kuamah in a thei kei ding hi,” a ci uh hi.

1 SAMUEL MASA 16:1

Topa in Samuel kiangah, “Israelte tungah kumpi hihna panin amah ka nolh khitna mu napi-in Saul’ hangin bang tan vei dah ding na hi hiam? Na sathau biing-ah sathau thun in la, pai in; Bethlehem mi Jessi kiangah kong sawl ding hi; bang hang hiam cih leh ama tapate lak panin keima ading kumpi khat ka la khin hi,” a ci hi.

1 SAMUEL MASA 16:18

Tangvalte khat in dawngin, “En un, Bethlehem mi Jessi’ tapa, a tum siam, a thahat, a gal hang mi, thugen a siam, a mel hoih khat ka mu hi; Topa in amah tawh omkhawm hi,” a ci hi.

1 SAMUEL MASA 16:4

Topa’ thupiak bangin Samuel gamta-in Bethlehem ah pai hi. Tua khuapi upate a liingsa-in amah dawn dingin hong pai uh a, “Thu hoih a, hong pai na hi hiam?” a ci uh hi.

1 SAMUEL MASA 17:58

Saul in ama kiangah, “Tangval aw, kua tapa na hi hiam?” a ci hi. David in dawng in, “Bethlehem khuami na nasempa Jessi’ tapa ka hi hi,” a ci hi.