Johan 7:30 - Tedim Bible

³⁰ Tua ahih ciangin amaute in Topa mat nadingin a vaihawm uh hangin ama hun tung nai lo ahih ciangin, kuamah in ama tungah khut a nga kei hi.

Tedim Bible Revision 2017

³⁰ Tua ciangin amaute in Jesu mat ding hanciam uh hi; ahi zongin ama hun tung nai lo ahih manin kuamah in va su lo hi.

Johan 7:30 Iomraidhean Croise

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

Isaiah 46:10

A kipat cilin a tawp nading thu ka pulak a, tanglai pek panin a piang nai lo nate genin, ‘Ka ngimna kip ding a, ka sepnop khempeuh ka sem ding hi,’ ka ci hi.

Mattiu 12:14

Tua lai takin Farisaite paikhia a, “Amah bangci leeng susia thei ding i hi hiam?” ci-in a vaihawm uh hi.

Mattiu 21:46

Amau in Zeisu mat dingin a zon’ uh hangin mihonpi a kihta uh hi. Bang hang hiam i cih leh, mi khempeuh in Topa in Pasian’ kamsangpa hi a ci uh hi.

Marka 11:18

Siampi liante leh laitheite in a zak uh ciangin, Zeisu thah nading thu a zong uh hi. Bang hang hiam i cih leh, mihonpite khempeuh in Zeisu’ thuhilhna lamdangsa mahmah uh ahih ciangin, amaute in amah a kihta uh hi.

Luka 20:19

Tua lai takin laitheite leh siampi liante in Zeisu mat dingin a zon’ uh hangin mite a kihta uh hi. Bang hang hiam i cih leh, amau cihna-a hih thugentehna a gen ahih lam a thei uh hi.

Luka 22:53

Keimah in ni simin biakna innpi sungah note tawh ka omkhop lai takin na hong man kei uh hi. Ahih hangin hih hun in note hun leh khuamial’ vangliatna hun ahi hi,” a ci hi.

Johan 10:31

Tua ahih ciangin Judah mite in suang tawh deeng dingin suang a tawm kik uh hi.

Johan 10:39

Amaute in Topa mat nading a zon’ kik uh ciangin amaute’ khut sung pan a paikhia hi.

Johan 11:57

Siampi liante leh Farisaite in Zeisu’ omna mun a thei a om leh, amaute in a mat theih nadingun hong hilh ta hen, ci-in tua lai takin lai a hawm uh hi.

Johan 7:19

Moses in Thukhamna no hong pia hilo ahi hiam? Ahih hangin note khat beek in hih Thukhamna na tang kei uh hi. Kei thah dingin bang hangin na hong zong uh hiam?” a ci hi.

Johan 7:32

Mihonpite kikupna thu a theih uh ciangin, siampite leh Farisaite in Topa man dingin palikte a sawl uh hi.

Johan 7:6

Tua ahih ciangin Zeisu in, “Ka hun a tung nai kei hi; note hun ahih leh, a kicingkhol niloh hi.

Johan 7:8

Tua pawikhawmna ah no na pai un. Kei hih pawikhamna sungah ka pai nai kei ding hi,” a ci hi.

Johan 8:20

Biakna innpi sungah thu a hilh lai takin, sumkholna dei sungah hih thu a gen hi. A hun tung nai lo ahih ciangin kuamah in a man kei uh hi.

Johan 8:37

Note in Abraham’ suante na hih uh ka thei hi. Ahih hangin, ka thuhilhna in note sungah om nading ngah lo ahih ciangin note in thah dingin kei nong zong uh hi.

Johan 8:59

Tua ahih ciangin amaute in Zeisu suang tawh deeng dingin suang tawm uh a, ahih hangin Zeisu bu-in biakna innpi sung pan a paikhia hi.

Johan 9:4

Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.