Johan 7:3 - Tedim Bible

³ Zeisu’ sanggamte in, “Na bawl nate na nungzuite in a muh nadingun, hih pan paikhia in la, Judah gamah na pai in.

Tedim Bible Revision 2017

³ ama sanggamte in Jesu kiangah, “Na nung hong zui mihonte in na nasepna a muh theih nadingun hih lai panin pai khia-in Judea gamah va pai in.

Johan 7:3 Iomraidhean Croise

Piancilna 37:20

Tu-in hong pai un, amah that-in dum sung khatah lawn ni; tua ciangin gamsa khat in amah netum khin hi, i ci ding hi, a mangte bang a suak hiam i mu ding hi,” kici uh hi.

Jeremiah 12:6

Bang hang hiam cih leh na sanggamte leh na innkuanpihte nangawn in nang hong zuak uh a, nang hong do ding mi honpi a kaikhawm uh hi. Kamkhum tawh nang a hong zol uh hangin um kei in,” ci-in hong dawng kik hi.

Mattiu 12:46

Zeisu in mihonpi thu a hilh lai takin a nu leh a sanggamte in amah hopih nuamin, inn pua lamah ding-in a om uh hi.

Marka 3:21

Ama lawmte in a zak uh ciangin a man dingin a pai uh hi. Bang hang hiam i cih leh, “Amah a hai hi,” a ci uh hi.

Marka 3:31

Tua lai takin a nu leh a sanggamte va pai uh a, inn pua lamah ding-in Zeisu sam dingin mikhat a sawl uh hi.

Luka 8:19

Tua lai takin Zeisu’ nu leh a sanggamte in a kiangah a pai uh hangin, mihonpi a om manun ah a va nai thei kei uh hi.

Luka 8:20

“Na nu leh na sanggamte in hong hopih nuamin inn pua lamah ding-in a om uh hi,” a cih uh ciangin,

Johan 2:2

Zeisu leh a nungzuite zong lawmvakna-ah a sam uh hi.

Johan 6:60

Tua ahih ciangin, ama nungzui tampite in hih thu a zak uh ciangin, “Hih thu a haksa mahmah hi, kua in theitel zo ding ahi hiam?” a ci uh hi.

Johan 6:66

Tua-a kipanin ama nungzui tampite in Zeisu tawh kipawl nawn loin a kihei kik uh hi.

Johan 7:10

A sanggamte pawikhamna-ah a paikhit uh ciangin, Zeisu zong a kilang loin a paisim hi.

Johan 7:4

Bang hang hiam na cih leh, mite kiangah a kithei nuampa in a kilang lona sungah bangmah a hih kei hi. Hih nate na bawl leh, leitungah na pumpi na kilangsak in,” ci-in a gen uh hi.

Johan 7:5

Bang hangin tua bangin a ci uh hiam i cih leh, a sanggamte in zong Zeisu a um kei uh hi.

Sawltak 2:14

Tua lai takin sawm leh khatte tawh Piter ding a, kiko-in tua mite kiangah thu a hilh inah: “Jerusalem khua-ah a teengte khempeuh leh Judah mite aw, note in hih thu na thei un la, ka thu a tel takin na ngai ta un.

1 SAMUEL MASA 17:28

Tu-in amah in mite kiangah thu a gen ciangin ama u a upapen Eliab in za hi; David tungah Eliab heh mahmah a, amah in, “Bang hangin hong paisuk na hi hiam? Tua tuu tawm khatte gamlakah kua tawh nusia na hi hiam? Na kihai-muan’na leh na lungsim gitlohna ka thei hi; bang hang hiam cih leh gal kidona mu dingin nong paisuk hi,” a ci hi.