Johan 7:27 - Tedim Bible

²⁷ Ahih hangin hihpa koipan hong pai cih i thei hi. Khazih hong pai ciangin ama pian’na kuamah in a thei kei ding hi,” a ci uh hi.

Tedim Bible Revision 2017

²⁷ Tua ding lah, hih mipa hong pian khiatna i theih hi a, Khris hong pai ciangin ama pian khiatna kuamah in a theih ding hi lo hi,” a ci uh hi.

Johan 7:27 Iomraidhean Croise

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Isaiah 53:8

Nenniamna leh thukhenna tawh amah kipaikhiatpih hi; a hingte’ gam panin amah kikhenkhia-in, ama mite’ khialhna hangin amah in gimna thuak hi, ci-in ama khang mite kua in thei ahi hiam?

Jeremiah 23:5

“En un, Topa in kong cih-inah, keimah in David’ suan lak panin kumpi dingin a diktat Hiang khat ka khan’ khiatsak ni hong tung ding hi. Amah gam uk siam ding a, gam sungah thuman thutang tawh thu hong khen ding hi.

Jeremiah 30:21

A kumpi ding uh amaute khat mah hi ding a, amaute a uk ding amau’ sung mah pan a piang ding hi. Keimah in amah ka kai ding a, amah kei kiangah hong pai ding hi. Tua hi kei leh, ama’ thu-a kei kiang hong zuan ngam ding kua om ahi hiam? Topa in kong ci hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Marka 6:3

Amah in Mari’ ta hilo ahi hiam? Khutsiampa ahi, Jakob, Josef, Judas leh Simon-te’ sanggampa hilo ahi hiam? Ama sanggamnute in i kiangah om hilo ahi uh hiam?” ci-in a gen uh hi. Amaute in ama hangin a lungkia uh hi.

Luka 4:22

Mi khempeuhte in Zeisu thu mang uh a, ama kam sung pan a paikhia lungsim phawn’sakna thu, lamdang a sa uh a, “Hih pa in Josef tapa hilo ahi hiam?” a ci uh hi.

Johan 6:42

Judah mite in, “Hih pa in Josef’ tapa Zeisu hilo ahi hiam? A nu leh pa thei hilo i hi hiam? Tua ahih leh, ‘Vantung pan kong paisuk zo hi,’ bang hangin ci thei hiam?” ci-in a gensia uh hi.

Johan 7:15

Tua ahih ciangin Judah mite in, “Hih mi in laisim ngei lo napi-in bangci lai a thei hiam?” ci-in lamdang a sa uh hi.

Johan 9:29

Pasian in Moses kiangah thu pia zo cih ka thei uh hi. Ahih hangin hih pa ahih leh, koi pan hong piang hiam ka thei kei uh hi,” ci-in a gensia uh hi.

Sawltak 8:33

A kilungnemsak lai takin midangte in ama tungah thu a khen uh hi. Ama hin’na leitungah kilakhia ahih ciangin, Ama suante kua in a lak ding hiam?” cih ahi hi.