Johan 7:26 - Tedim Bible

²⁶ En un, amah in a kilangin thu a hilh hangin kuamah in a kham kei hi. Hih pa in Khazih hi cih upa vaihawmte in a thei takpi uh hiam?

Tedim Bible Revision 2017

²⁶ Tua hi napi, mihon lakah thu gengen napi-in kuamah in bangmah cih lo uh hi. Uliante in Khris hi, ci-in theihtelna nei uh hi ding hiam?

Johan 7:26 Iomraidhean Croise

Paunak 28:1

Kuama delh lopi-in migilote taimang a, mi thumante ahih leh humpinelkai bangin hang uh hi.

Isaiah 42:4

Amah in leitungah thutang thu a phuh khit matengin lungsi lo, lungkia lo ding hi; tuikulh gamte in ama thukham sungah lametna nei ding uh hi.

Mattiu 22:16

amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

Luka 23:13

Pilat in siampi liante, upate leh mite sam a,

Luka 7:30

Ahih hangin, Farisaite leh laitheite in amau noptuam nadingin Pasian’ deihna a nial uh a, Johan’ baptaizna a sang kei uh hi.

Johan 12:42

Tua bang ahih hangin upa vaihawm tampite nangawn in Zeisu a up uh hangin, biakna innpi sung pan Farisaite in a hawlkhiat ding a lau manunah a kilangin a mang kei uh hi.

Johan 18:20

Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.

Johan 3:1

Judah upa ahi Nikodemas kici, Farisaite lakah mi khat a om hi.

Johan 4:29

“Hong pai un la, ka gamtatna khempeuh hong lakpa en un. Tua pa in Khazih ahi hiam?” ci-in mite kiangah a ko hi.

Johan 7:25

Tua ahih ciangin Jerusalem khuami kimkhat in, “Hih pa in thah dinga a zon’pa uh hilo ahi hiam?

Johan 7:31

Mihonpi lakah mi tampite in amah um uh a, “Khazih hong pai ciangin hih pa’ lah sangin nalamdang zaw a lak ding hiam?” a ci uh hi.

Johan 7:48

Upa vaihawmte lakah ahi zongin, Farisaite lakah ahi zongin amah a um mi khat beek a om hiam?

Johan 9:22

A nu leh pate in Judah mite a kihtak manunah tua bangin a gen uh hi. Bang hang hiam i cih leh, “Zeisu in Khazih ahi hi a ci mi khempeuh biakna innpi pan kihawlkhia ding hi,” ci-in amaute in a vaihawm zo uh hi.

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Filippi 1:14

Topa sungah a om ute naute lak pan a tampite in kei thuak khau kikhihna hangin thu-upna ah lungkimin lau loin, Pasian’ Thu a hilh ngam semsem uh hi.