Johan 7:15 - Tedim Bible

¹⁵ Tua ahih ciangin Judah mite in, “Hih mi in laisim ngei lo napi-in bangci lai a thei hiam?” ci-in lamdang a sa uh hi.

Tedim Bible Revision 2017

¹⁵ Jew mi uliante in lamdang sa mahmah uh a, “Hih mipa cikmah a sang kah ngei lo kimlai bang hangin thu hih zah thei ahi hiam?” a ci uh hi.

Johan 7:15 Iomraidhean Croise

Isaiah 29:12

Tua ciangin amaute in lai a sim thei lopa kiangah, “Hih lai sim dih in,” a cih uh ciangin amah in, “Ka sim thei kei hi,” a ci hi.

Mattiu 13:54

Ama khua-ah a tun’ ciangin, kikhopna inn sungah thu hilh hi. Khuapihte in lamdang a sa uh hi. “Hihpa in hih bang pilna leh vangliatna koi pan a ngah hiam?

Mattiu 22:22

Amaute in tua thu a zak uh ciangin lamdangsa-in a kiang pan a paikhia uh hi.

Mattiu 22:33

Mihonte in tua thu a zak uh ciangin a thuhilhna lamdang a sa uh hi.

Luka 2:47

Ama thu a za khempeuhte in a pilna leh a dawn’ kiknate lamdang a sa uh hi.

Luka 4:22

Mi khempeuhte in Zeisu thu mang uh a, ama kam sung pan a paikhia lungsim phawn’sakna thu, lamdang a sa uh a, “Hih pa in Josef tapa hilo ahi hiam?” a ci uh hi.

Johan 1:19

Judah mite in, “Nang kua na hi hiam?” ci-in Johan dong dingin siampite leh Levite Jerusalem khua panin a paisak uh hi.

Johan 7:11

Tua ahih ciangin Judah mite in, “Koi lai-ah a om hiam?” ci-in dong uh a, pawi sungah a zong uh hi.

Johan 7:13

Ahih hangin Judah mite a kihtak manunah kuamah in a tel takin a gen ngam kei uh hi.

Johan 7:46

Palikte in, “Tua pa’ hilh bangin kuamah in a hilh ngei kei hi,” a ci uh hi.

Sawltak 26:24

Tua mah bangin Paul in mawhna kiphelhna thu a gen lai takin Festas in, “Paul aw, nang mihai bang na hi hi! Lungpilna tam sinin, mihai na suak zo hi,” ci-in nakpi-in a kiko hi.

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

1 SAMUEL MASA 10:11

Amah in kamsangte tawh mailam thu a genkholhna amah a theisa mi khempeuhte in a muh uh ciangin, mite khat leh khat in “Kish’ tapa tungah bang tung ahi hiam? Saul zong kamsang suak ahi hiam?” kici uh hi.