Johan 7:13 - Tedim Bible

¹³ Ahih hangin Judah mite a kihtak manunah kuamah in a tel takin a gen ngam kei uh hi.

Tedim Bible Revision 2017

¹³ Ahi zongin Jerusalem khua-a Jew mi uliante a kihtakna hangun kuamah in Jesu thu a kilangin gen ngam lo uh hi.

Johan 7:13 Iomraidhean Croise

Paunak 29:25

Midangte kihtakna in hong lunghimawhsak a, Topa muan’na in hong lungmuangsak hi.

Johan 19:38

Tua nung ciangin, Arimathea khua Josef in Judah mite a kihtak manin a kilang loin Zeisu’ thu a zui mi hi a; Zeisu’ luang a paipih nadingin Pilat kiangah a ngen hi. Pilat in thu a pia hi. Tua ahih ciangin tua pa hong pai a, Zeisu’ luang a paipih hi.

Johan 20:19

Ni sagih lakah ni kipat ni, a nitak ciangin Judah mite a kihtak man-unah a nungzuite in kikhopna-ah kongkhakte khakin a om uh a, tua sungah Zeisu hong lut a, amau lai zangah ding-in, “Nopna na ngah ta un!” a ci hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 7:1

Tua nung ciangin Zeisu Galile gam sungah a vak hi. Bang hang hiam i cih leh, Judah mite in Topa thah dingin zong uh ahih ciangin, Judah gam sungah vak ding a ut kei hi.

Johan 7:11

Tua ahih ciangin Judah mite in, “Koi lai-ah a om hiam?” ci-in dong uh a, pawi sungah a zong uh hi.

Johan 7:15

Tua ahih ciangin Judah mite in, “Hih mi in laisim ngei lo napi-in bangci lai a thei hiam?” ci-in lamdang a sa uh hi.

Johan 9:22

A nu leh pate in Judah mite a kihtak manunah tua bangin a gen uh hi. Bang hang hiam i cih leh, “Zeisu in Khazih ahi hi a ci mi khempeuh biakna innpi pan kihawlkhia ding hi,” ci-in amaute in a vaihawm zo uh hi.

Johan 9:34

Amaute in, “Nangmah in na suah akipan khialhna tawh kidim hi napi-in, kote thu hong hilh ding na hi hiam?” ci-in tua pa biakna innpi pan a hawlkhia uh hi.

Mangmuhna 2:13

“Nangmah in Satan’ tokhom omna-ah na om thu ka thei hi. Ka min len cipin, Dawimangpa’ teen’na munah note lakah thahna a thuak ka teci, ka midik pa Antipas’ khan’ lai nangawnin keima upna thu na nial kei hi.