Johan 6:30 - Tedim Bible

³⁰ Tua ahih ciangin, amau in, “Topa aw, kong muh uh a, kong up na’ngun nalamdang bang hong lak na hi hiam? Bang hong bawl ding na hi hiam?

Tedim Bible Revision 2017

³⁰ Tua ciangin amaute in, “Kote in mu-in ka hong up theih nadingun bang nalamdang hong bawl dinga, bang hong sem ding na hi hiam?

Johan 6:30 Iomraidhean Croise

1 KUMPI MASATE 13:3

Tua ciangin tua ni mahin amah in lim khat pia a, “Hih in Topa in thu a gen khitna lim hi: ‘En in, biakna tau kiphelin a tunga om vutte kibuakhia ding hi,” a ci hi.

1 KUMPI MASATE 13:5

Topa’ thu tawh Pasian’ mipa in lim khat a piaksa tawh kizui-in biakna tau zong kiphelin biakna tau panin a vutte kibuakhia hi.

Paikhiatna 4:8

Pasian in, “Amaute in nang hong up kei a, lim masa a thudon kei leh zong, amaute in lim nunung um kha ding uh hi.

Paikhiatna 7:9

“Faro in note' kiangah, ‘Note a thutak na hihna uh nalamdang khat tawh hong lak un,’ hong cih ciangin nangmah in Aaron’ kiangah, ‘Gulpi khat a suah theih nadingin na ciangkhut la in la, Faro’ mai-ah khiasuk in,’ ci in,” a ci hi.

Marka 15:32

Ka muh uh a, ka up nadingun Israel’ Kumpipa Khazih in singlamteh tung pan hong kumsuk ta hen,” ci-in khat leh khat a kici uh a, a zahko uh hi. Singlamteh tungah Zeisu tawh a kikhai khawmte in zong a zahko uh hi.

Marka 8:11

Tua lai takin Farisaite hong pusuak uh a, Zeisu tawh thu a kinial uh ciangin, ze-et nadingin vantung pan lim a ngen uh hi.

Johan 10:38

Ahih hangin, ka gamtat leh, kei nong um kei uh zongin ka bawlna thu um un. Tua bangin na up uh leh, Pa in kei sungah om a, kei in Pa sungah ka om cih thei-in na ciamteh ding uh hi,” a ci hi.

Johan 12:37

Tua zah nalamdang tampi amaute mai-ah a lah hangin, amau in a um kei uh hi.

Johan 2:18

Tua ahih ciangin Judah mite in, “Nang in hih bang na hihna tawh bang nalamdang hong lak na hi hiam?” a ci uh hi.

Johan 4:8

Bang hang hih bangin ngen hiam i cih leh, a nungzuite an lei dingin khua sungah a pai khin zo uh hi.

Johan 6:14

Tua bangin Zeisu in nalamdang a bawl tua mite in a muh uh ciangin, “Hih pa in leitungah hong pai ding Pasian’ kamsangpa taktak ahi hi,” a ci uh hi.

Johan 6:2

Cinate tungah a lamdang lim a lahna a mu mihonpite in a nung a zui uh hi.

Johan 6:36

Ahih hangin note in kei hong mu napi-in nong um kei uh hi kong ci zo hi.

Sawltak 4:30

lau loin na thu a gen na’ngun a siangtho Sila Zeisu’ min tawh lim leh nalamdang a kibawl theih na’ngin hong hehpih in,” ci-in thu a ngen uh hi.

1 KORIN MASA 1:22

Judah mite in nalamdang a ngen thei uh hi. Grik mite in lungpilna a zong thei uh hi.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.