Johan 5:6 - Tedim Bible

⁶ Tua pa luma om Zeisu in a mu hi. Sawt veipi cina-a om cih a theih ciangin, “Nang cidam na ut hiam?” ci-in a dong hi.

Tedim Bible Revision 2017

⁶ Jesu in tua cina pa mu a, tua munah sau veipi a lup khitna a theih ciangin ama kiangah, “Na dam nuam hiam?” ci-in a dot leh

Johan 5:6 Iomraidhean Croise

Late 142:3

Ka cih nading ka theih nawn loh ciangin, amah in ka mailam ding hong theihsak hi. Ka paina lampi-ah ka galte in tehlop khat tawh kei hong siahsim uh hi.

Isaiah 65:1

Hong ngen lo mite kiangah kei ka kilak hi; kei hong zong lo mite in kei hong mu uh hi. Ka min a lo lo gam khat kiangah, “Hiah om ing, hiah om ing,” ka ci hi.

Jeremiah 13:27

Na kihhuainate, na ang kawmna, na hukna leh gamlak mual tunga numei paktat banga milim pasian peuh na biak kawikawinate ka mu zo hi. Jerusalem aw, gimna ngah ta in! Na sian’tho nadingin bang tanvei sawt ding ahi hiam?”

Luka 18:41

Mittawpa in a kiang a naih ciangin, “Nang ading bang ka bawl ding deih na hi hiam?” ci-in Zeisu in a dot ciangin, “Topa aw, ka mittang khua muh nading ka deih hi,” a ci hi.

Johan 21:17

Zeisu in, “Johan’ tapa Simon aw, kei na hong it hiam?” ci-in thumveina a dong hi. “Nang in kei na hong it hiam?” ci-in thumvei a dot man-inah Piter dah a, “Topa aw, nang in na khempeuh na thei a, ke’n nang kong it na thei hi,” a cih ciangin Zeisu in, “Ka tuute na vak in.

Johan 5:5

Kum sawmthum leh kum giat tawntung a kumzawn mi khat in tuasan takah a om hi.

Johan 5:7

Cinapa in, “Topa aw, tui a tat ciangin bual sungah hong koih ding mi ka nei kei hi. Kei ka pai lai takin midangte ka mai-ah a tum uh hi,” ci-in a dawng hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.