Johan 5:40 - Tedim Bible

⁴⁰ Note in nuntakna na ngah nadingun ka kiangah nong pai kei uh hi.

Tedim Bible Revision 2017

⁴⁰ na nuntak theih nadingun kei kiangah nong pai nuam kei veve uh hi.

Johan 5:40 Iomraidhean Croise

Late 81:11

“Ahih hangin ka mite in keima aw ngai lo uh hi; Israelte in kei’ thu themkha zong zui lo uh hi.

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Mattiu 22:3

Amah in a nasemte sawl a, a khohsate a sapsak hangin a hawh nuam kei uh hi.

Mattiu 23:37

“Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

Johan 1:11

Amah in ama mite kiangah hong pai-in, ama mite in amah a sang kei uh hi.

Johan 10:10

Gutate in gu ding that ding leh susia ding longal a hong pai kei uh hi. Kei ka hih leh, tuute in nuntakna ngah tham loin nuntakna a dimtak a ngah nadingun kong pai hi.

Johan 3:19

Thukhenna thu in leitungah khuavakin hong tunga; mite in khuavak sangin khuamial a deihzaw uh hi. Bang hang hiam i cih leh, amaute’ gamtatna man lo ahih hang hi.

Johan 5:39

Lai Siangtho hangah nuntak tawntungna ngah nung ci-in na up manunah Lai Siangtho na tel et uh hi. Hih Lai Siangtho in keima ading teci ahi hi.

Johan 5:41

Mite piak minthan’na ka sang kei hi.

Johan 5:44

Khat leh khat kipiak minthan’na na ngah uh a, Pasian khat bek’ piak theih minthan’na a zong lo note in bangci up theih ding na hi uh hiam?

Johan 6:27

A sia thei an ngah nadingin hahkat kei un; Mihing Tapa in no hong piak ahing tawntung nuntak tawntungna an na ngah nadingun hahkat un. Bang hang hiam na cih uh leh, Pasian’ ciamtehna a ngahpa in tua Tapa ahi hi,” a ci hi.

Johan 6:37

Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Johan 6:40

Tapa mu a, a umte khempeuh in nuntak tawntungna a ngah nading in Pa’ deihna ahi hi,” a ci hi.

ROM (Romans) 6:23

Bang hang hiam na cih uh leh, sihna in mawhna’ thaman ahi hi. Ahih hangin i Topa Khazih Zeisu hanga nuntak tawntungna in man kipia lo Pasian’ letsong ahi hi.

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.