Johan 5:4 - Tedim Bible

⁴ (Topa’ vantungmi khat ahun hunin hong paisuk zel a, tui a kiloksak hi. Tui a kilawh hun sungin tua bualtui sung a tung masapen pen, a natna peuhpeuh a damsiang pahpah hi).

Tedim Bible Revision 2017

⁴ Bang hang hiam cih leh Topaʼ vantungmi khat in tua bualtui lok thei zel a, tui a kilawh khit ciangin tua lai a tung masa penpen ama natna panin a dam hi.)

Johan 5:4 Iomraidhean Croise

2 KUMPI NIHNATE 5:10

Tua ciangin Elisha in ama kiangah kamtai khat sawlin, “Pai in la, Jordan sungah sagih vei kisil in, tua ciangin nangma ci-le-sa a ngei hong bang kikin nang na siang ding hi,” ci sak hi.

Late 119:60

kei kinawhin, nangma thupiaknate zuih ding ka zekai kei hi.

Paunak 6:4

Ihmu mu kei in la, om mawkmawk kei in.

Paunak 8:17

Kei hong itte ka it a, kei hong zong peuhmahte in hong mu uh hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh, nangmah in na zuat ding sihna gam sungah, nasepna leh thungaihsutna, pilna leh theihna cihte om lo hi.

Ezekiel 47:8

Amah in kei kiangah, “Hih tui pen nisuahna lam manawhin gam sung nawkin Jordan Kuam-ah luang sukin Si Tuipi sung tung hi. Si Tuipi a tun’ ciangin hih tui in tuipi tui pen, tuisiang suaksak kik hi.

Hosea 13:13

Israel mite, naungeek bangin a suah khiat hun tung khin napi-in, a hai luat manin suak khia loin a nu sung mahah omom lai hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Zekhariah 14:8

Tua ni hong tun’ ciangin Jerusalem khua panin tuiciim hong luang khia ding a, kimkhat, nisuahna lama om Si Tuipi ah luang ding a, kimkhat, nitumna lama om Mediterranean Tuipi-ah luang ding hi. Tua tui in kan’ hun cih nei loin luang tawntung ding hi.

Mattiu 11:12

Baptaizpa Johan pan akipan tu dongin Vantung Gam in zawhthawh bawlna thuak a, a zawhthawh bawlte in gam a sut uh hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Luka 13:24

Zeisu in, “Kong kawciik ah na lut zawh nadingun hahkat un. Bang hang hiam na cih uh leh, tampi in a lut nop ding uh hangin a lut zo kei ding uh hi, kong ci hi.

Luka 16:16

‘Johan hong pai dongin Pasian’ Thukham leh Pasian’ kamsangte thu akipanin Pasian’ Gam Lungdamna Thu kihilh a, mi khempeuh in tua gam sungah zawhthawh bawlin a lut nuam uh hi.

Johan 5:3

Tuate ah mittaw, khezaw, pum langkhat si akipan cina tampite a lum uh hi.

Johan 5:5

Kum sawmthum leh kum giat tawntung a kumzawn mi khat in tuasan takah a om hi.

Johan 5:7

Cinapa in, “Topa aw, tui a tat ciangin bual sungah hong koih ding mi ka nei kei hi. Kei ka pai lai takin midangte ka mai-ah a tum uh hi,” ci-in a dawng hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.