Johan 5:34 - Tedim Bible

³⁴ Ahih hangin ka teci pan’na thu in mite’ teci pan’na ahi kei hi. Note in gupna na ngah nadingun hih thu teng kong gen hi.

Tedim Bible Revision 2017

³⁴ Keimah in mihingteʼ teci panna a kisam ka hi kei a, note in hotkhiatna na ngah theih nadingun note ading ngaihsutna tawh hih thu teng a hong gen ka hizaw hi.

Johan 5:34 Iomraidhean Croise

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Luka 19:10

Bang hang hiam na cih uh leh, Mihing Tapa in a mangthang mite zong ding leh gum dingin hong pai ahi hi,” a ci hi.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

Johan 5:32

Kei ading teci pang ding mi khat a om hi. Kei adinga ama teci pan’na thu in aman hi ci-in ka thei hi.

Johan 5:41

Mite piak minthan’na ka sang kei hi.

Johan 8:54

Zeisu in, “Keima minthan’na kong lah leh, ka minthan’na a mawkna ahi ding hi. Ka min a thangsakpa in ka Pa ahi hi. Tua Pa in, ‘Kote Pasian ahi hi,’ na cihpa uh ahi hi.

ROM (Romans) 10:1

Ute naute aw, Israel mite in gupna a ngah nadingun ka lungsim in deihin, Pasian kiangah thu ka ngetsak hi.

ROM (Romans) 10:21

Israel mipawlte thu panin, “Thungai lo, thu seel thei mipawlte lamah ni khat tawntung ka khutpeek ka zan hi,” a ci hi.

ROM (Romans) 12:21

Gitlohna na lel kei un, gamtatpha tawh gitlohna na zo un.

ROM (Romans) 3:3

Judah mi kimkhatte in upna nei lo ahih uh leh, a up lohna un Pasian’ dikna a siasak ding hiam?

1 KORIN MASA 9:22

Thazawngte ka ngah nadingin thazawngte ading thazawng bang ka hi hi. Mi kimkhat lam khatpeuh mah tawh ka gupkhiat theih nadingin mi khempeuh ading na khempeuh ka suak hi.

1 TIMOTI MASA 4:16

Nangmah ahi zongin, na thuhilhna ahi zongin, kikeem in la, na om in. Hih nate-ah na kip tawntung in. Tua bang na hih leh, nangmah ahi zongin, na thu a ngaite ahi zongin gupna na ngahsak ding hi.

1 JOHAN MASA 5:9

Mite teci pan’na eite in i man’ leh, Pasian’ teci pan’na a lianzaw hi. Bang hang hiam na cih uh leh, Paisan’ teci pan’na in a Tapa ading teci a pan’ zawhna thu ahi hi.