Johan 5:29 - Tedim Bible

²⁹ A pha-a gamtate in nuntakna ngah dingin hong thokik ding uh a; a sia-a gamtate in thukhenna thuak dingin hong thokik ding uh hi.”

Tedim Bible Revision 2017

²⁹ han sung panin a hong paikhiat uh hun hong tung ding hi. A gamtat hoih mite pen a nungta tawntung dingin hong thokik ding uh a, a gamtat siate ahihleh mawhsak thukhenna a thuak dingin hong thokik ding uh hi.

Johan 5:29 Iomraidhean Croise

Jeremiah 32:19

na ngimnate lian mahmah a, na sepnate thupi mahmah hi. Mite’ nuntakzia khempeuh na mu a, amau’ nuntakdan leh a nasepna gahte tung tawnin mi khempeuh’ tungah thaman na pia kim hi.

Luka 14:14

Amaute in nang hong thukkik nading bangmah nei lo uh ahih ciangin, thupha na ngah ding hi. Bang hang hiam na cih uh leh, midikte’ thawhkik ni ciangin nang hong kithukkik ding hi,” a ci hi.

Sawltak 24:15

Midik leh midik lote khempeuh in sihna pan a thokik ding hi ci-in amaute’ lamet bangin Pasian suangin ka om hi.

Hebru 10:27

daantatna thuak ding cih kihtakhuai a piang ding thu leh thu nial mite a siasak ding hehna meikuang bek a om lai hi.

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

1 PETER MASA 3:11

Gitlohna peelin, gitna bawl hen: Mi tawh kilem nading zongin, a phak dongin delh hen.