Johan 5:28 - Tedim Bible

²⁸ Hih thu lamdang na sa kei un. Bang hang hiam na cih uh leh, han sungah a omte khempeuh in ama aw za uh a, a hong pusuak hun hong tung ding hi.

Tedim Bible Revision 2017

²⁸ Hih thu kong gen ciangin lamdang sa kei un. Han sungah a om misi khempeuh in ama aw za-in,

Johan 5:28 Iomraidhean Croise

Isaiah 26:19

Nangma mi a site hingkik ding a, amaute’ pumpi tho ding hi. Han sunga a lum mite aw, tho un la, lungdamin la sa un! Bang hang hiam cih leh zing daitui in leitung a nosak kik bangin, sawtpi a, a si mite, Topa in hingkik sak ding hi.

Daniel 12:2

A sisa mi tampite in nuntakna a ngah kik ding uh hi. Pawl khatte in nungta tawntung ding uh a, pawl khatte in a tawntung zumna leh minsiatna a ngah ding uh hi.

Hosea 13:14

Leinuai-a misite’ omna-ah a pai nading uh panin honin, sihna panin tankhia ding ka hi hiam? Sihna aw, gimna na piakna-ah amaute ka hehpih kei hi. Leinuai-a mi site gam aw, na suksiatna-ah amaute ka khasiat kei hi.

Johan 3:7

Khatvei na suakkik ding hi ka cihna lamdang sa kei in.

Johan 4:21

Zeisu in, “Numei aw, ka thu hong um in. Hih mual tungah ahi zongin, Jerusalem khua sungah ahi zongin Pa Pasian na biak loh nading uh hun hong tung ding hi.

Johan 4:23

A bia taktakte in Kha leh thuman thutak tawh, Pa Pasian a biak ding uh hun hong tung ding tham loin a hong tung zo hi. Bang hang hiam na cih leh, Pa Pasian in amah bia dingin tua bang mite a zong hi.

Johan 5:20

Bang hang hiam na cih uh leh, Pa in Ta it a, a hihna khempeuh Tapa a musak hi. Note in lamdang nasak nadingun hih sangin a lianzaw nate Tapa a musak ding hi.

Johan 5:25

Ke’n aman takpi kong cih-inah, a sisate in Pasian’ Tapa’ aw a zak nading uh a hun hong tung ding tham loin tu-in zong a tung zo hi. Tua aw a zate in a nungta ding uh hi.

Sawltak 24:15

Midik leh midik lote khempeuh in sihna pan a thokik ding hi ci-in amaute’ lamet bangin Pasian suangin ka om hi.

Sawltak 3:12

Piter in tua mite a muh ciangin, “Israel mite aw, hih thu bang hangin lamdangsa na hi uh hiam? Kote vangliatna leh phatna tawh kote in hih pa lam a paisak bangin bang hangin kote hong en gega na hi uh hiam?

1 KORIN MASA 15:22

Adam sungah mi khempeuh a sih mah bangin Khazih sungah mi khempeuh a nungta uh hi.

Filippi 3:21

Topa in na khempeuh ama nuai-ah a khia thei, a bawlphatna vangliatna hangin a ginalo eite pumpi, minthan’na tawh a dim pumpi a suahsak nadingin hong kikheelsak ding hi.

Mangmuhna 20:12

Tua lai takin a si mi a neu a liante in tua kumpi tokhom mai-ah ding-a a om uh ka mu hi. Laibute zong kiphen uh hi. Nuntakna laibu ahi adang laibu khat a kiphen hi. Tua a si mite in a gamtatnate bang laibu sungah a kigelh mah bangin thukhenna a thuak uh hi.