Johan 5:23 - Tedim Bible

²³ Thukhen nading thu khempeuh Tapa a pia hi. Tapa a zahtak lo mi in Tapa a sawlpa zong a zahtak kei hi.”

Johan 5:23 Iomraidhean Croise

Isaiah 42:8

Keimah in Topa ka hi a, Topa pen keima min ahi hi; Pasian dang’ tungah keima minthan’na ka ngahsak kei a, a kisui milimte tungah zong keimah hong kiphatnate bang ka ngah sak kei hi.

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

Isaiah 45:15

A taktakin, Israelte’ Pasian, Honpa aw, nangmahmah a bucip Pasian na hi hi.

Isaiah 45:21

Na thu uh sung un la, gen un; amaute kikum khawmsak un! Hih thu sawt pekin kua in genkhol ahi hiam? Tang lai-in kua in pulak ahi hiam? Keimah Topa hilo ka hi hiam? Thuman Pasian leh Honpa ahi, kei sim loh Pasian dang om lo hi; kei sim loh kuamah dang om lo hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Mattiu 10:37

Kei hong it sangin a nute a pate a it zaw mi in, kei tawh kituak lo hi. Kei hong it sangin a tapa a tanu a it zawte in, kei tawh kituak lo hi.

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Mattiu 12:21

Ama min zong Gentailte in a muang ding uh hi,” a ci hi.

Mattiu 15:8

“Hih mipawlte in amau’ kam uh tawh kei hong zahtak uh hangin, A lungsim uh, kei tawh kigamla hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Luka 10:16

Note thu a ngaite in ka thu a ngai hi. Note hong nolhte in kei zong hong nolh hi. Kei hong nolhte in kei hong sawlpa zong a nolh hi,” ci-in Zeisu in a gen hi.

Johan 14:1

Khatvei Zeisu in, “Note lungmang kei un; Pasian um un la, kei zong hong um un.

Johan 16:14

Amah in keima minthan’na hong langsak ding hi, bang hang hiam na cih uh leh, keima’ aa la-in note kiangah hong gen ding hi.

Johan 17:10

Ka neihsate khempeuh nangma’ aa ahi hi. Nangma neihsate khempeuh keima’ aa ahi hi. Amaute hangin minthan’na ka ngah hi.

ROM (Romans) 15:12

Kamsangpa Isaiah in: “Jessi bul meeng in Gentailte a uk ding mi ahi ding hi. Gentailte in amah a muang ding uh hi,” a ci hi.

ROM (Romans) 6:22

Tu-in mawhna’ khut sung pan na suakta uh a, Pasian’ sila suak khin na hih ciangun siangtho nadingin phattuamna na ngah uh a, a tawpna-ah nuntak tawntungna na ngah ding uh hi.

ROM (Romans) 8:9

Pasian’ Kha Siangtho in note sungah a teen’ leh, note in ci leh sa sungah na om kei uh hi; Pasian’ Kha Siangtho sungah na om uh hi. Bang hang hiam na cih uh leh, Khazih’ Kha Siangtho a nei lo mite in Khazih’ mi ahi kei uh hi.

1 KORIN MASA 1:3

Topa Zeisu Khazih leh i Pa Pasian kiang panin hehpihna thupha leh nopna nomau tungah hong tung ta hen.

1 KORIN MASA 10:31

Tua ahih ciangin note in anneek tuidawn akipan na khempeuh na bawl uh ciangin Pasian’ minthan’ nading ngaihsunin na hih un.

1 KORIN MASA 16:22

Mi khat peuhmah in Topa a it kei leh, tua mi in hamsiatna thuak ta hen. Topa hong pai hi!

1 KORIN MASA 6:19

Note pumpi in Pasian hong piak, na sung uhah a teeng Kha Siangtho’ biakna inn ahi zong, na pumpi uh no’ aa ahi lo ahi zongin thei lo na hi uh hiam?

2 KORIN NIHNA 1:9

Kote in ka pumpi uh muang loin, misite a thosak Pasian muan nadingin sihna thukhenna a thuak mi bang ka hi uh hi.

2 KORIN NIHNA 13:14

Topa Zeisu Khazih’ hehpihna thupha ahi zongin, Pasian hong itna ahi zongin, Kha Siangtho’ kihotheihna ahi zongin note khempeuh tawh omkhawm ta hen.

2 KORIN NIHNA 5:14

Bang hang hiam na cih uh leh, mi khempeuh tang ding mi khat bek si ahih ciangin mi khempeuh a si uh ahi zongin,

2 KORIN NIHNA 5:19

Tua thu in, Pasian in Khazih sungah om a, leitungmite’ mawhna ciamteh loin amah tawh kilemsak a, tua kilemsakna thu kote hong pia hi.

Efesa 6:24

Kisia lo itna tawh i Topa Zeisu Khazih a it mite khempeuh tungah hehpihna thupha om ta hen.

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

Hebru 1:6

Lam khat panin a Tapa upa leitungah a hong sawl ciangin: “Pasian’ vantungmi khempeuh in bokin Amah a bia uh hi,” ci-in a gen hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

1 JOHAN MASA 2:23

Ta a nial mi in Pa a nei kei hi. Ta a mang mi in Pa zong a nei hi.

2 JOHAN NIHNA 1:9

Khazih’ thuhilhna-ah kip loin a zui khial mi in Pasian a nei lo mi ahi hi. Khazih’ thuhilhna-ah a kip mi in Pa leh Tapa a nihin a neikhawm hi.