Johan 5:18 - Tedim Bible

¹⁸ Tua ahih ciangin amah in Sabbath ni siasak tham loin, Pasian nangawn “Ka Pa hi” ci-in Pasian bangin kibawl hi ci-in, Judah mite in Zeisu a that nuam semsem zaw uh hi.

Tedim Bible Revision 2017

¹⁸ Hih bangin ama kampauna hangin amaute in Jesu that nuam semsem uh hi. Amah in Sabbath thukham a palsat bek hi loin, Pasian nangawn ka Pa ci ahih manin Pasian tawh a kikimin kiseh hi, ci-in a mawhsak uh hi.

Johan 5:18 Iomraidhean Croise

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Mattiu 12:5

Pasian biakna inn sungah a om siampite in, Nipi ni a tan’ khialh uh hangin a mawh kei uh hi, a cihna Pasian’ Thukham Lai Siangtho sungah sim ngeilo na hi uh hiam?

Johan 1:19

Judah mite in, “Nang kua na hi hiam?” ci-in Johan dong dingin siampite leh Levite Jerusalem khua panin a paisak uh hi.

Johan 10:30

Keimah in ka Pa tawh pumkhat ka hi uh hi,” ci-in a gen hi.

Johan 10:33

Judah mite in, “Apha bawlna hangin suang tawh hong deeng ding ka hi kei uh hi. Nang mihing hi napi-in Pasian bangin na kibawl a, Pasian na gensiat maninah suang tawh hong deeng ding ka hi uh hi,” a ci kik uh hi.

Johan 14:23

Zeisu in, “Kei hong it mi in ka thu zui ding a, ka Pa in amah a it ding a, ama kiangah hawhin, amah tawh ka omkhawm ding uh hi.

Johan 14:9

Zeisu in, “Filip aw, kei in note tawh hih tanvei ka omkhawm hangin hong thei lo na hi hiam? Kei hong mu mi in Pa zong a mu zo hi. ‘Pa hong lak in,’ bang hangin na ci hiam?

Johan 19:7

Tua ciangin Judah mite in, “Kote in thukhamna ka nei uh hi. Tua thu tawh kituakin hih pa si dingin kilawm hi. Bang hang hiam na cih leh, amah in, ‘Pasian’ Tapa ka hi hi,’ a ci hi,” ci-in a gen uh hi.

Johan 5:15

Tua pa paikhia a, amah a damsakpa in Zeisu hi, ci-in Judah mite kiangah a gen hi.

Johan 5:16

Tua thu Sabbath ni-in bawl ahih ciangin, Judah mite in Zeisu bawlsia-in thah theih nading thu a zong uh hi.

Johan 5:17

Zeisu in, “Ka Pa in tudongin a sem hi; ke’n zong ka sem hi,” ci-in a dawng kik hi.

Johan 5:23

Thukhen nading thu khempeuh Tapa a pia hi. Tapa a zahtak lo mi in Tapa a sawlpa zong a zahtak kei hi.”

Johan 7:1

Tua nung ciangin Zeisu Galile gam sungah a vak hi. Bang hang hiam i cih leh, Judah mite in Topa thah dingin zong uh ahih ciangin, Judah gam sungah vak ding a ut kei hi.

Johan 7:19

Moses in Thukhamna no hong pia hilo ahi hiam? Ahih hangin note khat beek in hih Thukhamna na tang kei uh hi. Kei thah dingin bang hangin na hong zong uh hiam?” a ci hi.

Johan 8:54

Zeisu in, “Keima minthan’na kong lah leh, ka minthan’na a mawkna ahi ding hi. Ka min a thangsakpa in ka Pa ahi hi. Tua Pa in, ‘Kote Pasian ahi hi,’ na cihpa uh ahi hi.

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

Filippi 2:6

Amah in Pasian’ lim leh meel tawh dimin a om napi-in, Pasian tawh kibatnate ka khah kei ding hi ci loin,

Mangmuhna 22:1

Tua nung ciangin vantungmi in kei kiangah kristal suangmanpha tawh kibangin tangin, Pasian leh Tuuno’ tokhom pan pusuakin, khuapi lampi laizang tawntungah a luang nuntakna gun hong lak hi.

Mangmuhna 22:3

Hamsiatna cikmah hunin omkik lo ding hi. Pasian leh Tuuno’ silate in Topa bia-in,