Johan 5:17 - Tedim Bible

¹⁷ Zeisu in, “Ka Pa in tudongin a sem hi; ke’n zong ka sem hi,” ci-in a dawng kik hi.

Tedim Bible Revision 2017

¹⁷ Ahi zongin Jesu in amaute kiangah, “Ka Pa in tu ni dongin na sem tawntung ahih manin kei zong ka sep ding mah ahi hi,” a ci hi.

Johan 5:17 Iomraidhean Croise

Late 65:6

nangma thahatna tawh mualte a bawl, vangliatna tawh a kidim,

Isaiah 40:26

A sangna vantung lam ento un la, mu un: kua in hihte piangsak ahi hiam? Amau’ aksi honpite khat khatin piangsakin, a lian ama thahatna tawh amaute khempeuh a min un a sampa ahi hi; vangliatna-ah thahat ahih manin khat beek pelem lo hi.

Mattiu 10:29

Gitta nih in dangkasan peek khat tawh kizuak hilo ahi hiam? Na Pa un thu pia kei leh, tua gitta khat beek lei tungah kia mawk lo hi.

Johan 10:36

Pa in ama adingin a sian’thosak a, leitung ah a paisak keimah in, ‘Pasian’ Tapa ka hi,’ ka cih ciangin, ‘Pasian na gensia hi,’ hong ci na hi uh hiam?

Johan 14:10

Pa sungah ka om a, kei sungah Pa a om cih um lo na hi hiam? Note kiangah kong gen thu in keima thu hong hilh ka hi kei hi. Kei sunga teeng ka Pa in na hong sem ahi hi.

Johan 5:16

Tua thu Sabbath ni-in bawl ahih ciangin, Judah mite in Zeisu bawlsia-in thah theih nading thu a zong uh hi.

Johan 5:18

Tua ahih ciangin amah in Sabbath ni siasak tham loin, Pasian nangawn “Ka Pa hi” ci-in Pasian bangin kibawl hi ci-in, Judah mite in Zeisu a that nuam semsem zaw uh hi.

Johan 9:4

Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.

Sawltak 14:17

Ahih hangin tecipan’na om loin amahmah a kinusia kei hi; amah in ama gitna hong lakin, vantung pan guahtui leh amau hun ciat a, a gah an hong pia hi; amah in an tampi hong pia-in na lungtang uh lungnopna tawh hong dimsak hi,” a ci hi.

Sawltak 17:28

Bang hang hiam na cih uh leh, Pasian hangin eite i hing, i tang, i nungta hi. Tua mah bangin note’ lai-atpa khat in a gen mah bangin, ‘Eite in ama suan i hi hi,’ a ci hi.

1 KORIN MASA 12:6

Nasepna atuam atuam a om hangin mi khempeuh tungah na khempeuh a bawl Pasian khat bek a om hi.

Kolose 1:16

Bang hang hiam na cih uh leh, tua Tapa hangin Pasian in vantung ahi zongin, leitung ahi zongin-ah a om khempeuh a kimutheite, a kimu thei lote, kumpi tokhomte ahi zongin uknate ahi zongin, a sang belnate ahi zongin, vangliatna ahi zongin, na khempeuh a piangsak hi. Tua Tapa hangah ahi zongin, tua Tapa ading ahi zongin na khempeuh a piangsak hi.

1 THESALONIKA MASA 2:13

Ka hilh uh Pasian’ thu note in ngahin na san’ lai takun, mi kam sung pan a pusuak thu bangin sang loin, Pasian’ thu a man taktak hi ci-in a um note sungah a bawlpha Pasian’ thu bangin na san’na uh ngaihsunin, kote in Pasian’ hehpihna ka phat tawntung uh hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.