Johan 5:10 - Tedim Bible

¹⁰ Tua ahih ciangin Judah mite in a kiangah, “Tuni in Sabbath ni ahi hi; lupna puak tuak lo hi,” ci-in a gen uh hi.

Tedim Bible Revision 2017

¹⁰ Jerusalem khua sunga om Jew mi uliante in cina damkik pa kiangah, “Tu ni pen Sabbath ni ahih manin lupna pheek na puak ding ngeina hi lo hi,” a cih uh ciangin

Johan 5:10 Iomraidhean Croise

Isaiah 58:13

“Note in sabbath siangthosakin, keima ni siangtho ni-in na nasepna panun khawlin, sabbath ni pen deihhuai sa-in, Topa’ ni siangtho pen pahtawi-huai na cih uh a, note in pahtawi-in, note’ deihna bang zui loin, note’ ut bang hih loin mot pau loin na om uh leh,

Jeremiah 17:21

Topa in hih bangin ci hi: Na nuntak nop lai uh leh kidawm un la, sabbath ni-in van pua kei un. Jerusalem khua kongpite-ah bangmah hong lutpih kei un.

Jeremiah 17:27

Ahih hangin ka thu nong ngaih kei uh a, sabbath ni siangthosak loin, sabbath ni-in Jerusalem khua kongpite pan van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin a kangtum ding a, mei a kiphelh zo kei ding hi,’ va ci in,” hong ci hi.

Mattiu 12:10

Tua lai-ah khut langkhat si mi khat a om hi. Amaute in Topa a mawhsak nop manun, “Nipi ni-in cinatna damsak tuak ahi hiam?”ci-in a dong uh hi.

Marka 2:24

Farisaite in Topa kiangah, “En in, Nipi ni-in a kituak lo na bang hangin a hih uh hiam?” a ci uh hi.

Marka 3:4

“Nipi ni-in phatna bawl tuak hiam? Siatna bawl tuak hiam? Nuntakna khatpeuh gup tuak ahi hiam, thah tuak ahi hiam?” ci-in amaute kiangah a dot ciangin mihonpi pau loin a om uh hi.

Luka 13:14

Zeisu in Nipi ni-in cina a damsak man-inah kikhopna inn ukpa heh a, mihonpite kiangah, “Nasep nadingin ni guk a om hi. Tua nite sungin hong pai un la, cidamna na ngah ding uh hi. Nipi ni-in hong pai kei un,” ci-in a gen hi.

Luka 23:56

Amaute ciah uh a, paknamtui leh sathau namtui a bawl uh hi. Thukham bangin Nipi ni-in nasem loin a om uh hi.

Luka 6:2

Farisaite kimkhat in, “Nipi ni-in ahih tuak loh na bang dingin na hih uh hiam?” a ci uh hi.

Johan 1:19

Judah mite in, “Nang kua na hi hiam?” ci-in Johan dong dingin siampite leh Levite Jerusalem khua panin a paisak uh hi.

Johan 5:11

Amah in, “Kei hong damsakpa in, ‘Na lupna pua in la, lam pai in,’ hong ci hi,” a ci hi.

Johan 5:15

Tua pa paikhia a, amah a damsakpa in Zeisu hi, ci-in Judah mite kiangah a gen hi.

Johan 5:16

Tua thu Sabbath ni-in bawl ahih ciangin, Judah mite in Zeisu bawlsia-in thah theih nading thu a zong uh hi.

Johan 7:23

Moses’ Thukhamna a siat thei loh nadingin Sabbath ni-in mi in vunatna a ngah hi. Ahih hangin Sabbath ni-in mi’ pumpi khat ka damsak ciangin bang hangin kei tungah heh na hi uh hiam?

Johan 9:16

Tua ahih ciangin Farisaite kimkhat in, “Hih mi in Sabbath ni tang lo ahih ciangin Pasian sawl mi ahi kei hi,” a ci uh hi. Kimkhat in, “Mawhnei mi khat in hih bang nalamdang a lak thei ding hiam?” a ci uh hi. Tua ahih ciangin amaute kithutuak loin a kikhenthang uh hi.