Johan 4:7 - Tedim Bible

⁷ Samaria numei khat in tuitawi dingin hong pai ciangin Zeisu in, “Ka dawn ding tui hong pia in,” ci-in a ngen hi.

Tedim Bible Revision 2017

⁷ Tua laitakin Samaria numei khat tuitawi dingin tuikhuk ah a hong pai hi. Jesu in tua numei kiangah, “Na tui hong dawnsak in,” a ci hi.

Johan 4:7 Iomraidhean Croise

Piancilna 24:17

Tua ciangin amah dawntuah dingin nasempa tai a, “Dawn ding tui tawm khat na beel sung panin hong pia dih in,” ci hi.

Piancilna 24:43

en in, tuikhuk gei-ah kei ka ding hi; tui tawi dinga hong paikhia nungak' tungah, 'Na beel panin tui dawn ding tawm khat hong pia in,' ka cih ciangin,

1 KUMPI MASATE 17:10

Tua ahih ciangin amah ding-in Zarefath ah pai hi; khuapi kulh kongpi a tun’ ciangin, en in, meigongnu khat in sing na tom hi; amah in tua nu samin, “Ka dawn theih nadingin beel khat sungah tui tawm hong paipih in,” a ci hi.

Mattiu 10:42

Keima thu zui ahih maninah, hih naupang a neupen tui hai khat a pia peuhmah in, aman takpi kong cih inah phattuamna ngah loin a om kei ding hi,” ci-in Zeisu in a gen hi.

Johan 19:28

Tua nung ciangin Zeisu in thu khempeuh kizo khin zo cih a theih ciangin, Lai Siangtho sungah a kigelh mah bangin a tun’ nadingin, “Tui ka duh hi,” a ci hi.

Johan 4:10

Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

Johan 4:6

Tua munah Jakob’ tuikhuk a om hi. Tua ahih ciangin, Zeisu a lam paina gim ahih ciangin tuikhuk gei-ah a tu hi. Tua hun in sun laitak ahi hi.

Johan 4:8

Bang hang hih bangin ngen hiam i cih leh, a nungzuite an lei dingin khua sungah a pai khin zo uh hi.