Johan 4:46 - Tedim Bible

⁴⁶ Tui leenggahtui a suah sakna mun; Galile gam Kana khua-ah a paikik hi. Tua lai takin Kapernaum khua-ah upa khat’ tapa cina-in a om hi.

Tedim Bible Revision 2017

⁴⁶ Tui, leenggahzu a suahsakna Galilee gam Kana khua ah Jesu paikik hi. Tua laitakin Kapernaum khua ah kumpi nasem ulian khat om a, a tapa a ci a na hi.

Johan 4:46 Iomraidhean Croise

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Late 78:34

Amah in amaute a thah ciangin amaute in amah zong a, amaute kisikin, lungsim taktak tawh Pasian zong uh hi.

Hosea 5:15

Ka mite in a mawhna hangun gimna thuakin kei hong zon’ kik mateng ka tuaci nusiat phot ding hi. A lungkham uh ciangin kei hong zong ding uh a,

Mattiu 15:22

Kanaan numei khat in tua gam panin paikhia a, “David’ Tapa aw, kei hong hehpih in. Keima tanu in dawi’ bawlsiatna nakpi-in a thuak hi,” ci-in a kiko hangin, Zeisu in kam khat beek a dawng kei hi.

Mattiu 4:13

Nazareth khua khengin Zebulun gam leh Naftali gam kikalah, tuili tawh kinai Kapernaum khua-ah tungin a teeng hi.

Mattiu 9:18

Tua bangin thu a hilh lai takin, ukpa khat in va nai a, Zeisu a biak khit ciangin, “Ka tanu a si zo hi. Ahih hangin Topa hong pai-in a tungah na khut nga leteh, a nungta kik ding hi,” ci-in a ngen hi.

Luka 4:23

Zeisu in, “A tel takpi-in note in, ‘Zatopa aw, nangmahmah na kidamsak in. Kapernaum khua-ah na bawlna khempeuh kote in ka zak bangun, nangma gamah zong bawl in,’ ci-in thugentehna tawh kei kiangah nong ci ding uh hi.

Luka 7:2

Galkap mangpa khat in a it mahmah nasempa khat nei a, tua nasempa cina-in a si dek tak hi.

Luka 8:42

Bang hang hiam i cih leh, kum sawm leh kum nih a pha tanu khat nei a, tua a tanu si dek tak hi. Zeisu a pai lai takin, mihonpi in amah a phukha uh hi.

Johan 2:12

Tua nung ciangin a nu akipan a naute leh a nungzuite tawh Zeisu in Kapernaum khua-ah a pai uh hi. Tua khua-ah sawt lo khat a tam uh hi.

Johan 21:2

Simon Piter leh Didimas kici Thomas akipan, Galile gam Kana khuami Nathanael leh Zebedi’ tate nih in adang nungzuite nih tawh a omkhawm uh hi.

Joshua 19:28

Ebron, Rehob, Hammon, Kanah, a Lian Sidon ciang dong paito lai hi;