Johan 4:40 - Tedim Bible

⁴⁰ Tua hi a, Samaria mite a kiangah a tun’ uh ciangin, amau khua-ah a tam nadingin a thuum uh ciangin ni nih a tam hi.

Tedim Bible Revision 2017

⁴⁰ Tua ahih manin Jesu kiangah Samaria mite a va tun uh ciangin amauteʼ khua ah a taam nadingin kun uh a, Jesu zong tua khua ah ni nih a taam hi.

Johan 4:40 Iomraidhean Croise

Piancilna 32:26

Tua ciangin amah in, “Khuavak ta ahih ciangin hong khah in,” ci hi. Ahih hangin Jakob in, “Kei thupha nong piak kei leh kong khah kei ding hi,” ci hi.

Paunak 4:13

Hong kihilhnate lencip in la khahsuah kha kei in; na nuntak nading ahih manin lim takin zui in.

Solomon la 3:4

Khua sung cingte tawh ka kikhen khit phetin, ka ngaihno tawh ka kimu hi. Amah kawi-in ka lencip a, ka pian’na ka nu’ inndei sung, ka nu’ inn dong ka tun’pih mateng ka khah kei hi.

Jeremiah 14:8

Israel mite’ lamet pa aw, haksat hun ciangin ko a hong honkhia pa na hi hi. Bang hangin ka gamsung uhah mikhual bangin om-in khualzin, zan khat bek a taam bangin hong om na hi hiam?

Luka 10:39

Tua numei in Mari a kici sanggam numei khat a nei hi. Tua Mari in Zeisu khe kiangah tu-in ama thu a ngai hi.

Luka 24:29

amaute in, “Kote tawh hong giakkhawm in. Ni tumin khua a mial dek zo hi,” ci-in Zeisu nakpi-in a khoh uh ciangin, amah in amaute tawh giakkhawm dingin inn sungah a lut hi.

Luka 8:38

Dawite a paikhiatnapa in Zeisu tawh a omkhawm nadingin thu a nget ciangin,

Johan 4:39

Numei in, “Ka gamtatna khempeuh hong lak hi,” ci-a teci a pan’na thu hangin tua Samaria khuami tampite in Zeisu thu a um uh hi.

Johan 4:41

Ama thu hangin mi tampi in a up beh uh hi.

Johan 4:43

Zeisu in ni nih ciangin tua mun pan paikhia a, Galile gam a tung hi.

Sawltak 16:15

Amah in a innkuanpihte tawh a kibaptaiz khit ciangin, “Keimah in Topa sungah thu-um mi khat ka hihna nong up uh leh, keima innah hong tung un la, tam un,” ci-in thuumin, hong kho hi.

Sawltak 8:8

Tua khua sungah lungdamna tampi a piang hi.

Mangmuhna 3:20

En in, kei in kongkhak kiangah ding-in kiu-in ka om hi. Mi khatpeuh in ka aw za-in kong khak hong hon’ leh, tua mi kiangah ka tum khit ciangin amah tawh an ne khawm, tui dawn khawmin ka om ding hi. Amah in kei tawh an ne khawm tui dawn khawmin a om ding hi.